Xarici hüquqi şәxsin әldә etdiyi mәnfәәti birbaşa müәyyәn etmәk mümkün olmadığı hallarda mәnfәәtin hesablanması Qaydaları

I. Ümumi müddәa
Bu Qaydalar Azәrbaycan Respublikası Vergi Mәcәllәsinin 83.9-cu maddәsinә әsasәn hazırlanmış vә xarici hüquqi şәxsin Azәrbaycan Respublikasında daimi nümayәndәliyi vasitәsi ilә әldә etdiyi mәnfәәti birbaşa müәyyәn etmәk mümkün olmadığı hallarda mәnfәәtin hesablanması qaydalarını müәyyәn edir.

2. Xarici hüquqi şәxsin mәnfәәtinin müәyyәn edilmәsi üçün me`yarlar
Azәrbaycan Respublikasında, hәm dә onun hüdudlarından kәnarda fәaliyyәt göstәrәn xarici hüquqi şәxsin Azәrbaycan Respublikasında daimi nümayәn-dәlik vasitәsi ilә hәyata keçirdiyi fәaliyyәtdәn әldә etdiyi mәnfәәtinin müәyyәn edilmәsinә imkan verәn ayrıca uçotun aparılmadığı hallarda, hәmin xarici hüquqi şәxsin mәnfәәti Azәrbaycan Respublikası Vergilәr Nazirliyinin rә`yi әsasında vergi ödәyicisi ilә müvafiq vergi orqanı arasında razılaşdırılmış üsul әsasında müәyyәn edilә bilәr. Bu mәqsәd üçün konkret halda aşağıdakı me`yarlardan biri qәbul edilir:

Azәrbaycan Respublikasında mәhsul (iş, xidmәt) satışından gәlirin mәblәği;

Azәrbaycan Respublikasında fәaliyyәtlә әlaqәdar olan xәrclәrin mәblәği;

Azәrbaycan Respublikasındakı daimi nümayәndәliyin işçilәrinin sayı.

3. Xarici hüquqi şәxsin mәnfәәtinin müәyyәn edilmәsi üsulları
3.1. Xarici hüquqi şәxsin Azәrbaycan Respublikasında fәaliyyәti ilә әlaqәdar әldә etdiyi mәnfәәtini birbaşa müәyyәn etmәk mümkün olmadığı halda vergi orqanı şәrti rentabellik norması әsasında onun mәnfәәtini aşağıdakı şәrti üsullardan biri ilә müәyyәn edir:

3.1.1. xarici hüquqi şәxsin belә fәaliyyәtlә әlaqәdar әldә etdiyi gәliri (ӘDV nәzәrә alınmadan) әsasında:



burada,



M - xarici hüquqi şәxsin mәnfәәti;

G - xarici hüquqi şәxsin Azәrbaycan Respublikasındakı fәaliyyәtindәn әldә etdiyi gәlir;

R - şәrti rentabellik normasıdır.

3.1.2. xarici hüquqi şәxsin belә fәaliyyәtlә әlaqәdar xәrclәri әsasında:



burada,

M - xarici hüquqi şәxsin mәnfәәti;

X - xarici hüquqi şәxsin Azәrbaycan Respublikasındakı fәaliyyәti ilә bağlı xәrclәri;

R - şәrti rentabellik normasıdır.

3.2. Vergi orqanı xarici hüquqi şәxsin mәnfәәtini hәmin xarici hüquqi şәxsin Azәrbaycan Respublikasındakı nümayәndәliyinin işçilәrinin sayının onun ümumi işçilәrinin sayında xüsusi çәkisi göstәricisi әsasında xarici hüquqi şәxsin mәcmu mәnfәәtinin bölüşdürülmәsi üsulu ilә aşağıdakı qaydada müәyyәn edir:



burada,
M - xarici hüquqi şәxsin mәnfәәti;

Mm - xarici hüquqi şәxsin mәcmu mәnfәәti;

N1 - daimi nümayәndәliyin işçilәrinin sayı;

N2 - xarici hüquqi şәxsin ümumi işçilәrinin sayıdır.

3.3. Xarici hüquqi şәxsin mәnfәәti şәrti üsulla müәyyәn edilәrkәn şәrti rentabellik norması (R) 20 faiz sәviyyәsindә götürülür.

3.4. Xarici hüquqi şәxsin mәnfәәti çәkilmiş xәrclәr әsasında şәrti üsulla hesablanarkәn, çәkilmiş xәrclәrә Azәrbaycan Respublikasının Vergi Mәcәllәsinә uyğun olaraq mәnfәәtin hesablanması mәqsәdlәri üçün gәlirdәn çıxılan xәrclәr, o cümlәdәn müvafiq qaydada tәrtib edilmәyәn ilkin sәnәdlәrdә göstәrilәn xәrclәr aid edilir.

Xarici hüquqi şәxsin mәnfәәti çәkilmiş xәrclәr әsasında şәrti üsulla hesablanarkәn, çәkilmiş xәrclәrә aid edilәn vә müvafiq normativlәr әsasında hesablanaraq gәlirdәn çıxılan xәrclәr, xarici hüquqi şәxsin әsas fәaliyyәti ilә bağlıdırsa, bu xәrclәr bütövlükdә nәzәrә alınır.


4. Xarici hüquqi şәxsin vergiyә cәlb olunan mәnfәәtinin müәyyәn edilmәsi
Xarici hüquqi şәxsin Azәrbaycan Respublikasında әldә etdiyi mәnfәәtinin yalnız bir hissәsi vergiyә cәlb olunduğu halda, vergi orqanı vergiyә cәlb olunan mәnfәәti müәyyәn etmәk üçün aşağıdakı me`yarlardan istifadә edә bilәr:

xarici hüquqi şәxsin Azәrbaycan Respublikasında vergiyә cәlb olunan fәaliyyәtin hәyata keçirilmәsi üçün sәrf etdiyi iş vaxtının nümayәndәliyin ümumi iş vaxtında xüsusi çәkisi;

xarici hüquqi şәxsin Azәrbaycan Respublikasında vergiyә cәlb olunan fәaliyyәtin hәyata keçirilmәsinә çәkdiyi xәrclәrinin, onun Azәrbaycan Respublikasında daimi nümayәndәlik vasitәsilә hәyata keçirdiyi fәaliyyәtlә bağlı ümumi xәrclәrindә xüsusi çәkisi; xarici hüquqi şәxsin Azәrbaycan Respublikasında vergiyә cәlb olunan fәaliyyәtin hәyata keçirilmәsindәn әldә etdiyi gәlirlәrinin, onun Azәrbaycan Respublikasında daimi
nümayәndәlik vasitәsi ilә fәaliyyәtindәn әldә olunan ümumi gәlirlәrindә xüsusi çәkisi.

5. Yekun müddәa
Xarici hüquqi şәxs tәrәfindәn bu Qaydaların mәqsәdlәri üçün tәqdim edilmәli olan müvafiq sәnәdlәr rezidenti olduqları dövlәtin sәlahiyyәtli maliyyә vә ya vergi orqanları tәrәfindәn tәsdiq edilmәlidir.