|
Azərbaycan Respublikasının 2004-cü il dövlət büdcəsinin layihəsi Büdcə sistemi haqqında» Azərbaycan Respublikası Qanununun 14-cü maddəsinə əsasən dərc edilir Azərbaycan Respublikasının 2004-cü il dövlət büdcəsi haqqında Azərbaycan Respublikasının Qanunu Maddə 1. Azərbaycan Respublikasının 2004-cü il dövlət büdcəsinin gəlirləri 6 957 000,0 milyon manat, xərcləri 7 272 000,0 milyon manat məbləğində təsdiq edilsin. Maddə 2. Azərbaycan Respublikasının 2004-cü
il dövlət büdcəsinin gəlirləri mədaxil
mənbələri üzrə aşağıdakı
məbləğlərdə nəzərdə tutulur:
Maddə 3. Azərbaycan Respublikasının 2004-cü il dövlət büdcəsinə vergi daxilolmaları Azərbaycan Respublikasının Vergi Məcəlləsi ilə müəyyən olunmuş vergi dərəcələrinə uyğun olaraq hesablanır. Azərbaycan Respublikasında istehsal edilən və qiymətləri tənzimlənən məhsulların ixracı zamanı məhsulların kontrakt (satış) qiyməti ilə (ixrac xərcləri çıxılmaqla) ölkədaxili müəssisə topdansatış qiyməti arasındakı fərqdən dövlət büdcəsinə 25 faiz həcmində ödəniş müəyyən edilir. Maddə 4. Azərbaycan Respublikasının 2004-cü il dövlət büdcəsinin mərkəzləşdirilmiş gəlirləri aşağıdakı mənbələrdən göstərilən normativlər üzrə ayırmalar hesabına formalaşır: Bakı şəhəri üzrə gəlirlər 88,94% Azərbaycan Respublikasının ərazisinə gətirilən mallara əlavə dəyər vergisi (Naxçıvan Muxtar Respublikasının gömrük orqanları tərəfindən toplanılanlardan başqa) 100% Azərbaycan Respublikasının ərazisinə gətirilən mallara aksizlər (Naxçıvan Muxtar Respublikasının gömrük orqanları tərəfindən toplanılanlardan başqa) 100% Gömrük rüsumları (Naxçıvan Muxtar Respublikasının gömrük orqanları tərəfindən toplanılanlardan başqa) 100% Tranzit yol vergisi (Naxçıvan Muxtar Respublikasının gömrük orqanları tərəfindən toplanılanlardan başqa) 100% Dövlət əmlakının icarəyə verilməsindən daxilolmalar 100% Xaricdən alınan cari və əsaslı ödənişlər 100% Xarici dövlətlərin hökumətlərinə verilmiş kreditlər üzrə daxilolmalar 100% Banklardan alınan dividendlər 100% Qeyri-maliyyə dövlət müəssisələrindən alınan dividendlər 100% Milli Bankın mənfəətindən daxilolmalar 100% Dövlət Neft Fondundan daxilolmalar 100% Aksiz markalarının satışından daxilolmalar 100% Büdcədən verilmiş kreditlər üzrə daxilolmalar 100% Təkrar borc sazişləri üzrə daxilolmalar 100% Dövlət büdcəsinin mərkəzləşdirilmiş xərclərindən maliyyələşən təşkilatların büdcədənkənar daxilolmaları 100% Maddə 5. Naxçıvan Muxtar Respublikasının, digər şəhər və rayonların yerli gəlirlərinə aşağıdakılar verilir: - Mərkəzləşdirilmiş gəlirlərə aid edilənlərdən və yerli xərclərdən maliyyələşən təşkilatların büdcədənkənar daxilolmalarından başqa Bakı şəhəri üzrə gəlirlərin 11,06 faizi, Naxçıvan Muxtar Respublikası, digər şəhər və rayonlar üzrə gəlirlərin 100 faizi Maddə 6. Azərbaycan Respublikasının 2004-cü il dövlət büdcəsinin xərcləri funksional təsnifatının bölmə və köməkçi bölmələri səviyyəsində aşağıdakı məqsədlərə yönəldilir:
Maddə 7. Azərbaycan Respublikasının 2004-cü il dövlət büdcəsinin xərcləri funksional və iqtisadi təsnifatın paraqrafları səviyyəsində bu qanunun əlavəsində verilmiş məbləğlərdə təsdiq edilsin. Maddə 8. Naxçıvan Muxtar Respublikasının büdcəsinin gəlirləri 54900,0 milyon manat, xərcləri 238950,1 milyon manat olmaqla, gəlir və xərclərini tənzimləmək üçün dövlət büdcəsindən ayrılan dotasiya 184050,1 milyon manat məbləğində təsdiq edilsin. Naxçıvan Muxtar Respublikasının büdcəsindən maliyyələşən təşkilatların büdcədənkənar gəlirləri 4428,4 milyon manat, xərcləri 4428,4 milyon manat müəyyən edilsin. Maddə 9. Azərbaycan Respublikasının digər şəhər və rayonlarının yerli gəlirləri 672223,4 milyon manat, yerli xərcləri 1717534,7 milyon manat olmaqla, yerli gəlir və xərcləri tənzimləmək üçün mərkəzləşdirilmiş xərclərdən ayrılan vəsait 1045311,3 milyon manat təsdiq edilsin. Həmin şəhər və rayonların yerli xərclərindən maliyyələşən təşkilatların büdcədənkənar gəlirləri 22488,5 milyon manat, xərcləri 22488,5 milyon manat təsdiq edilsin.
Maddə 10. Yerli büdcələrə (bələdiyyə büdcələrinə) veriləcək dotasiyanın məbləği 10000,0 milyon manat təsdiq edilsin. Maddə 11. Dövlət büdcəsindən veriləcək büdcə ssudasının həcmi 30000,0 milyon manat təsdiq edilsin. Maddə 12. Azərbaycan Respublikasının 2004-cü ildə dövlət daxili və xarici borclarının faizləri və əsas məbləğləri üzrə ödənişlər aşağıdakı kimi təsdiq edilsin: mln. manat Daxili dövlət borcu üzrə ödənişlər 49112,1 o cümlədən: faizlər üzrə ödənişlər 38536,5 əsas borc üzrə ödənişlər 10575,6 Xarici dövlət borcu üzrə ödənişlər 90874,0 o cümlədən: faizlər üzrə ödənişlər 51836,7 əsas borc üzrə ödənişlər 39037,3
Maddə 13. Nəzərdə tutulmayan xərclər və fövqəladə hallar üçün yaradılmış ehtiyat fondunun məbləği 78000,0 mln. manat təsdiq edilsin. Maddə 14. 2004-cü ildə investisiya layihələri üçün dövlət zəmanəti ilə alınan xarici kreditlərin həcmi 644829,7 milyon manat təsdiq edilsin. Maddə 15. Azərbaycan Respublikasının daxili dövlət borcunun yuxarı həddi 200000,0 milyon manat, xarici dövlət borcunun yuxarı həddi 995000,0 milyon manat təsdiq edilsin. Maddə 16. Əmək haqqı, əmək haqqına üstəlik, pensiya, başqa sosial müavinətlər və ödənişlər, dövlətin daxili və xarici borclarına xidmətlə bağlı xərclər, dərman və ərzaq alınması xərc maddələri ilk növbədə, sonra isə gəlirlərin daxil olmasından asılı olaraq və kəsirin müəyyən olunmuş həddi nəzərə alınmaqla digər xərc maddələri üzrə nəzərdə tutulmuş vəsaitlər maliyyələşdirilir. Maddə 17. Büdcə daxilolmalarının vəziyyətindən asılı olmayaraq əmək haqqı, əmək haqqına üstəlik, pensiya, başqa sosial müavinətlər və ödənişlər, dövlətin daxili və xarici borclarına xidmətlə bağlı xərclər, dərman və ərzaq alınması xərc maddələri müdafiə olunmuş xərc maddələridir. Maddə 18. Dövlət büdcəsi kəsirinin yuxarı həddi 315000,0 milyon manat məbləğində təsdiq edilsin. Maddə 19. Azərbaycan Respublikası Dövlət Neft Fondunun gəlirləri nəzərə alınmadan Azərbaycan Respublikasının 2004-cü il icmal büdcəsinin kəsiri 1035000,0 milyon manat məbləğdə müəyyən edilsin. Maddə 20. Azərbaycan Respublikasının 2004-cü il icmal büdcəsinin xərclərinin yuxarı həddinin məbləği 10071849,2 milyon manat manat müəyyən edilsin. Maddə 21. Büdcə ili ərzində büdcədən maliyyələşdirilən təşkilatlara nəzərdə tutulmuş məcburi dövlət sosial sığorta haqları üzrə vəsaitlər Azərbaycan respublikası Dövlət Sosial Müdafiə Fondunun orqanlarına tam məbləğdə daxil olmazsa, nəzərdə tutulumuş və faktiki hesablanmış məcburi dövlət sosial sığorta haqları arasındakı fərq qədər mərkəzləşdirilmiş xərclərdən Dövlət Sosial Müdafiə Fonduna yönəldilən transfertin məbləği artırılmaqla köçürülür. Maddə 22. Enerci, qaz və kimya sektorları üzrə alınan yanacaq üçün ödənilməyən məbləğə görə dövlət büdcəsi hesabına bu sektorlara ediləcək dolayı subsidiyaların limiti müvafiq olaraq 1507420,0 milyon manat, 266300,0 milyon manat və 108250,0 milyon manat müəyyən olunmaqla icmal büdcənin həm gəlir, həm də xərc hissəsinə daxil edilib ayrıca sətirlə əks etdirilir. Maddə 23. İxrac olunan neftin satış qiyməti büdcə hesablamaları üçün nəzərdə tutulduğundan yüksək olduqda, yaranmış fərq üzrə büdcəyə daxil olmuş vəsait xəzinədarlığın hesabında ayrıca saxlanılır və həmin vəsaitdən yalnız neftin satış qiyməti büdcə hesablamaları üçün nəzərdə tutulmuş səviyyədən aşağı olduqda istifadə olunur. Maddə 24. Bu qanun 2004-cü il yanvarın 1-dən qüvvəyə minir. |