Aksiz markası ilә markalanmalı olan markalanmamış malların siyahıya alınması vә mәsul saxlamaya qoyulması Qaydalarının tәsdiq edilmәsi barәdә Azәrbaycan Respublikasının Nazirlәr Kabinetinin Qәrarı


"Azәrbaycan Respublikası Vergi Mәcәllәsinin tәsdiq edilmәsi, qüvvәyә minmәsi vә bununla bağlı hüquqi tәnzimlәmә mәsәlәlәri haqqında Azәrbaycan Respublikası Qanununun vә bu Qanunla tәsdiq edilmiş Azәrbaycan Respublikası Vergi Mәcәllәsinin tәtbiq edilmәsi barәdә" Azәrbaycan Respublikası Prezidentinin 2000-ci il 30 avqust tarixli 393 nömrәli Fәrmanının icrasını tәmin etmәk mәqsәdi ilә Azәrbaycan Respublikasının Nazirlәr Kabineti qәrara alır:

1. "Aksiz markası ilә markalanmalı olan markalanmamış malların siyahıya alınması vә mәsul saxlamaya qoyulması Qaydaları" tәsdiq edilsin (әlavә olunur).

2. Bu qәrar 2001-ci il yanvarın 1-dәn qüvvәyә minir.

Azәrbaycan Respublikasının Baş Naziri A. RASİ-ZADӘ.
Bakı şәhәri, 25 dekabr 2000-ci il , N 228

Azәrbaycan Respublikası Nazirlәr Kabinetinin
2000-ci il 25 dekabr tarixli 228 nömrәli qәrarı ilә
tәsdiq edilmişdir

Aksiz markası ilә markalanmalı olan markalanmamış malların siyahıya alınması vә mәsul saxlamaya qoyulması Qaydaları

1. Ümumi müddәalar
Bu Qaydalar Azәrbaycan Respublikasının Vergi Mәcәllәsi, İnzibati Xәtalar Mәcәllәsi vә digәr normativ hüquqi aktlarına uyğun olaraq aksiz markası ilә markalanmalı olan markalanmamış vә ya saxta aksiz markası ilә markalanmamış malların siyahıya alınması vә mәsul saxlamaya qoyulması qaydalarını tәnzimlәyir.


2. Aksiz markası ilә markalanmalı olan markalanmamış malların siyahıya alınması qaydaları
2.1. Aksiz markası ilә markalanmalı olan markalanmamış vә ya saxta aksiz markası ilә markalanmış malların siyahıya alınması vergi ödәyicisinin hәmin mallar barәsindә hüquqlarının elә mәhdudlaşdırılmasıdır ki, bu zaman vergi ödәyicisi siyahıya alınmış aksiz markası ilә markalanmalı olan markalanmamış vә ya saxta aksiz markası ilә markalanmış mallara sahiblik vә istifadә etmәk vә sәrәncam vermәk hüququna malik olmur.

2.2. Aksiz markaları ilә markalanmalı olan malların hәmin markalarla markalanmadan vә ya saxta aksiz markaları ilә markalanmaqla satışı vә ya saxlanılması aşkar edildikdә (içmәli spirtin, mayanın, pivәnin, spirtli içkilәrin bütün növlәrinin vә tütün mәmulatlarının) ümumi miqdarı, aksiz markaları ilә markalanmalı olan markalanmamış vә ya saxta aksiz markaları ilә markalanmış (içmәli spirtin, mayanın, pivәnin, spirtli içkilәrin bütün növlәrinin vә tütün mәmulatlarının) miqdarı Azәrbaycan Respublikasının Vergilәr Nazirliyi tәrәfindәn tәsdiq edilmiş formaya uyğun olan aktla, hüquqi vә ya fiziki şәxsin rekvizitlәri vә onların sәlahiyyәtli nümayәndәsinin adı vә soyadı göstәrilmәklә rәsmilәşdirilir, akt vergi orqanının nümayәndәlәrinin, habelә obyektin mәsul şәxsinin vә müşahidәçilәrin imzaları ilә tәsdiqlәnir. Vergi ödәyicisi vә ya onun sәlahiyyәtli nümayәndәsi aktda öz qeydlәrini edә bilәr, aktı imzalamaqdan imtina edә bilәr vә bu barәdә hәmin aktda müvafiq qeyd aparılır.

2.3. Aksiz markaları ilә markalanmalı olan markalanmamış vә ya saxta aksiz markası ilә markalanmış (içmәli spirtin, mayanın, pivәnin, spirtli içkilәrin bütün növlәrinin vә tütün mәmulatlarının) Azәrbaycan Respublikasının Vergilәr Nazirliyi tәrәfindәn tәsdiq edilmiş formaya uyğun olan siyahısı tәrtib edilir. Siyahıda hәmin malların adı, fәrqlәndirici әlamәtlәri, mәnşә mәnbәyi, alış vә satış qiymәtlәri, vergi orqanının adı, siyahıya almanı hәyata keçirәn vәzifәli şәxslәrin adı, soyadı vә atasının adı, siyahıya almanın hәyata keçirildiyi tarix vә yer, vergi ödәyicisi vә onun nümayәndәsi haqqında mәlumat, müşahidәçilәr vә dәvәt olunmuş mütәxәssislәr haqqında mәlumatlar әks etdirilir.

2.4. Aksiz markaları ilә markalanmalı olan markalanmamış vә ya saxta aksiz markaları ilә markalanmış (içmәli spirtin, mayanın, pivәnin, spirtli içkilәrin bütün növlәrinin vә tütün mәmulatlarının) mәnşә mәnbәyi, alış vә satış qiymәtlәri ilkin sәnәdlәrlә vә ya vәzifәli şәxsdәn (vәzifәli şәxs olmadıqda satıcıdan) alınmış izahatla müәyyәnlәşdirilir.

2.5. Azәrbaycan Respublikasının İnzibati Xәtalar Mәcәllәsindә göstәrilәn pozuntulara yol vermiş vәzifәli şәxs (şәxslәr) barәsindә müvafiq protokol tәrtib olunur.

2.6. Tәrtib olunmuş aktın, siyahının vә protokolun surәtlәri vәzifәli şәxsә verilir.

2.7. Aksiz markası ilә markalanmalı olan markalanmamış vә ya saxta aksiz markası ilә markalanmış malların siyahıya alınmasını hәyata keçirәn vergi orqanının nümayәndәsi hәmin malların siyahıya alınması prosesindә vergi ödәyicisinin vә ya onun nümayәndәsinin iştirak etmәsinә icazә vermәmәyә sәlahiyyәtli deyildir.

2.8. Aksiz markası ilә markalanmalı olan markalanmamış vә ya saxta aksiz markası ilә markalanmış malların siyahıya alınması prosesindә vergi orqanının nümayәndәsi vergi ödәyicisinә vә ya onun nümayәndәsinә hüquq vә vәzifәlәrini izah edir.


3. Siyahıya alınmış malların vergi ödәyicisindә mәs`ul saxlamaya qoyulması qaydaları
3.1. Siyahıya alınmış mallar vergi ödәyicisindә mәsul saxlamaya qoyulur.

3.2. Vergi ödәyicisinin bu qaydaları pozaraq siyahıya alınmış mallara dair bağladığı әqdlәr etibarsız hesab edilir.

3.3. Vergi ödәyicisi siyahıya alınmış malları mәs`ul saxlamaya qoymaq üçün qәbul etmәkdәn imtina etdikdә vә ya vergi ödәyicisinin malları saxlamaq üçün müvafiq şәraiti olmadıqda, götürmә iki müşahidәçinin iştirakı ilә protokolla rәsmilәşdirilir, mallar yerindәcә qablaşdırılır, möhürlәnir vә obyektdәn götürülür.

3.4. Malların obyektdәn götürülmәsi haqqında protokolda aşağıdakılar göstәrilir:

3.4.1. protokolu tәrtib edәn şәxsin vәzifәsi, soyadı, adı, atasının adı;

3.4.2. protokolun tәrtib edildiyi tarix vә yer;

3.4.3. malları götürülәn şәxs barәsindә mәlumat;

3.4.4. protokol tәrtibatında iştirak edәn müşahidәçilәr barәsindә mәlumat;

3.4.5. götürülәn malların siyahısı vә miqdarı barәdә mәlumat.

3.5. Malların götürülmәsi haqqında protokol vergi orqanının nümayәndәlәrinin, habelә obyektin mәs`ul şәxsinin vә müşahidәçilәrin imzaları ilә tәsdiqlәnir. Vergi ödәyicisi vә ya onun sәlahiyyәtli nümayәndәsi protokolu imzalamaqdan imtina etdikdә bu barәdә hәmin protokolda müvafiq qeyd aparılır.

3.6. Götürülәn mallar inzibati xәta haqqında işә baxılanadәk, vergi orqanının müәyyәn etdiyi yerdә digәr vergi ödәyicisinә vә ya vәzifәli şәxsә mәsul saxlamaya qoyulmaq üçün tәhvil verilir.

3.7. Bütün hallarda siyahıya alınmış mallar mәs`ul saxlamaya qoyulmaq üçün vergi ödәyicisinә tәhvil verildikdә, o siyahıya alınmış malların özgәninkilәşdirmәsinә, israf edilmәsinә, gizlәdilmәsinә, dәyişdirilmәsinә yol verdiyi tәqdirdә Azәrbaycan Respublikasının Cinayәt Mәcәllәsinә әsasәn mәsuliyyәtә cәlb edilәcәyi barәdә xәbәrdar olunmalıdır.

3.8. Tәrtib olunmuş aktlara vә protokollara Azәrbaycan Respublikasının İnzibati Xәtalar Mәcәllәsinә uyğun olaraq baxılır.