Sәyyar vergi yoxlaması zamanı әşyaların nümunә kimi götürülmәsi
Qaydalarının tәsdiq edilmәsi barәdә Azәrbaycan Respublikasının Nazirlәr Kabinetinin Qәrarı


"Azәrbaycan Respublikası Vergi Mәcәllәsinin tәsdiq edilmәsi, qüvvәyә minmәsi vә bununla bağlı hüquqi tәnzimlәmә mәsәlәlәri haqqında" Azәrbaycan Respublikası Qanununun vә bu Qanunla tәsdiq edilmiş Azәrbaycan Respublikası Vergi Mәcәllәsinin tәtbiq edilmәsi barәdә" Azәrbaycan Respublikası Prezidentinin 2000-ci il 30 avqust tarixli 393 nömrәli Fәrmanının icrasını tәmin etmәk mәqsәdi ilә Azәrbaycan Respublikasının Nazirlәr Kabineti qәrara alır:

1. "Sәyyar vergi yoxlaması zamanı әşyaların nümunә kimi götürülmәsi Qaydaları" tәsdiq edilsin (әlavә olunur).

2. Bu qәrar imzalandığı gündәn qüvvәyә minir.

 

Sәyyar vergi yoxlaması zamanı әşyaların nümunә kimi götürülmәsi Qaydaları

Bu Qaydalar Azәrbaycan Respublikası Vergi Mәcәllәsinin 43.2-ci maddәsinә uyğun olaraq vergi orqanları tәrәfindәn aparılan sәyyar vergi yoxlaması zamanı әşyaların nümunә kimi götürülmәsi qaydalarını müәyyәn edir.
Vergi ödәyicisindәn әşyaların nümunә kimi götürülmәsinә yalnız sәyyar vergi yoxlaması keçirildikdә yol verilir. Sәyyar vergi yoxlaması zamanı vergilәrin hesablanması üçün zәruri olmayan nümunә kimi әşyaların götürülmәsi qadağandır.
Sәyyar vergi yoxlaması keçirildikdә yoxlamanın predmetinә aid olan vә vergilәrin hesablanması üçün lazım olan әşyaların öyrәnilmәsinә әlavә vaxt tәlәb olunduğu halda, hәmçinin müәyyәn edilmiş qanunvericilik pozuntuları bilavasitә әşyalarla bağlı olduqda, sәyyar vergi yoxlamasını bilavasitә hәyata keçirәn vergi orqanının vәzifәli şәxsi nümunә kimi әşyaları götürә bilәr.

1. Sәyyar vergi yoxlaması zamanı nümunә kimi әşyaların götürülmәsinin mәqsәdlәri
1.1. Nümunә kimi әşyalar aşağıdakı mәqsәdlәr üçün götürülür:

1.1.1. gәlirdәn çıxılan xәrclәrә aid edilәn malların (işlәrin, xidmәtlәrin) dәyәrinin onların fiziki vә keyfiyyәt göstәricilәri, növü, mәnşәyi vә digәr göstәricilәri ilә uyğunluğunun yoxlanılması;

1.1.2. malların (işlәrin, xidmәtlәrin) tәqdim olunmasından әldә olunan vә uçota alınan gәlirin hәmin malların (işlәrin, xidmәtlәrin) fiziki vә keyfiyyәt göstәricilәri, növü, mәnşәyi vә digәr göstәricilәri ilә uyğunluğunun yoxlanılması;

1.1.3. malların (işlәrin, xidmәtlәrin) bazar qiymәtlәrinin müәyyәnlәşdirilmәsi;

1.1.4. vergi qanunvericiliyinin pozulmasının, o cümlәdәn aksiz markası ilә markalanmamış vә ya saxta aksiz markası ilә markalanmış malların saxlanılmasının, satışının vә idxal olunmasının sübut edilmәsi;

1.1.5. vergi qanunvericiliyinin pozulmasının sübut edilmәsi mәqsәdi ilә әşyaların nümunә kimi götürülmәsi zәruri olan digәr hallarda.


2. Әşyaların nümunә kimi götürülmәsinin rәsmilәşdirilmәsi
2.1. Sәyyar vergi yoxlaması keçirildiyi zaman әşyaların nümunә kimi götürülmәsinә Azәrbaycan Respublikası Vergi Mәcәllәsinin 43.2-ci maddәsindә müәyyәn edilmiş hallarda vә mәqsәdlәrlә yoxlamanı hәyata keçirәn vergi orqanının vәzifәli şәxsi hәmin gün vergi orqanının rәhbәrinә vә ya onun müavininә yazılı mә`lumat vermәlidir. Hәmin mә`lumatda әşyaların nümunә kimi götürülmәsi әsaslandırılmalıdır.

2.2. Vergi orqanının sәyyar vergi yoxlamasını hәyata keçirәn vәzifәli şәxsinin әşyaların nümunә kimi götürülmәsini әsaslandıran mә`lumatı vergi orqanının rәhbәri (rәhbәrin müavini) tәrәfindәn araşdırılır vә yalnız bundan sonra hәmin әşyaların nümunәlәrinin götürülmәsi barәdә qәrar qәbul edilir.
Sәyyar vergi yoxlaması zamanı әşyaların nümunә kimi götürülmәsi haqqında qәrarın forması Azәrbaycan Respublikasının Vergilәr Nazirliyi tәrәfindәn tәsdiq edilir.

2.3. Vergi orqanının sәyyar vergi yoxlamasını aparan vәzifәli şәxsi әşyaların nümunә kimi götürülmәsi barәdә vergi orqanının rәhbәrinin (rәhbәrin müavininin) qәrarını әşyaları götürülәn şәxsә tәqdim edir vә әşyaların götürülmәsindә iştirak edәn şәxslәrә onların hüquq vә vәzifәlәrini izah edir.

2.4. Әşyaların nümunә kimi götürülmәsi әşyaları götürülәn şәxslәrin vә ya onların nümayәndәlәrinin, habelә müşahidәçilәrin, zәruri hallarda isә mütәxәssisin iştirakı ilә hәyata keçirilir.

2.5. Әşyaların götürülmәsi zamanı aşkar olunan vә iş üçün әhәmiyyәti olan bütün hallar vә faktlar, o cümlәdәn götürülmüş әşyaların sayı, ölçüsü, çәkisi, fәrdi әlamәtlәri vә digәr xüsusiyyәtlәri әtraflı tәhlil edilir, mümkün olan hallarda onların qiymәti göstәrilir.

2.6. Vergi orqanının nümayәndәsi tәrәfindәn sәyyar vergi yoxlaması zamanı nümunә kimi götürülәn әşyalar xüsusiyyәtindәn asılı olaraq qablaşdırılır, zәruri hallarda isә yoxlayıcı tәrәfindәn möhürlәnir.

2.7. Әşyalar nümunә kimi götürülәrkәn Azәrbaycan Respublikası Vergi Mәcәllәsinin 48-ci maddәsinә müvafiq olaraq Azәrbaycan Respublikasının Vergilәr Nazirliyi tәrәfindәn tәsdiq olunmuş formada "Sәyyar vergi yoxlaması zamanı әşyaların nümunә kimi götürülmәsi haqqında protokol" tәrtib edilir.

2.8. Sәyyar vergi yoxlaması zamanı vergi ödәyicisi nümunә kimi әşyaları vermәdiyi halda, bu barәdә Azәrbaycan Respublikasının Vergilәr Nazirliyi tәrәfindәn tәsdiq edilmiş formada imtina aktı tәrtib edilir vә hәmin akt vergi orqanının vәzifәli şәxslәri, yoxlamada iştirak edәn digәr şәxslәr (müşahidәçilәr, ekspertlәr, mütәxәssislәr), habelә vergi ödәyicisi vә ya onun nümayәndәsi tәrәfindәn imzalanır.

2.9. Bu Qaydaların 2.8-ci bәndinә uyğun tәrtib edilmiş imtina aktı vә digәr zәruri sәnәdlәr sәyyar vergi yoxlamasını bilavasitә hәyata keçirәn vergi orqanı tәrәfindәn qanunvericilikdә nәzәrdә tutulmuş qaydada mәhkәmәyә göndәrilir. Azәrbaycan Respublikası Vergi Mәcәllәsinin 43.10-cu maddәsinә uyğun olaraq әşyaların nümunә kimi götürülmәsi mәhkәmәnin qәrarı әsasında hәyata keçirilir.

2.10. Sәyyar vergi yoxlaması keçirilәrkәn әşyaların nümunә kimi götürülmәsinin miqdarı, hәcmi vә götürülmә ilә әlaqәdar digәr şәrtlәr Azәrbaycan Respublikasının әrazisindә qüvvәdә olan standartlara vә normativlәrә әsasәn müәyyәn edilir.

2.11. Nümunә kimi götürülmüş әşyalar, hәmin әşyaların tәdqiq edilmәsi üçün zәruri olan vaxtı nәzәrә almaqla bir aydan artıq olmayan müddәtә götürülә bilәr.

2.12. Nümunә kimi götürülmüş әşyaların saxlanılması vә onların qorunması, qanunvericiliyә uyğun olaraq yaradılmış vә fәaliyyәt göstәrәn tәşkilatlarda tәdqiq edilmәsi vergi orqanının hesabına keçirilir.

2.13. Nümunә kimi götürülmüş әşyalar istehlak xassәlәrini itirmәdiyi halda, hәmin әşyalar vergi ödәyicisinә qaytarılır. Nümunә kimi götürülmüş әşyalar istehlak xassәlәrini itirdikdә isә onların dәyәri vergi orqanı tәrәfindәn ödәnilir.