"Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında əsasnamənin təsdiq edilməsi barədə" Azərbaycan Respublikası Prezidentinin 15 aprel 2005-ci il tarixli Fərmanının və Vergilər Nazirliyinin 11 may 2005-ci il tarixli əmrinin icrası ilə əlaqədar sənədlərin toplanması və yoxlanması, eləcə də namizədlərlə müsabiqənin keçirilməsi qaydaları təsdiq olunub.

Vergi orqanlarına işə qəbul olunmaq üçün müraciət etmiş şəxslərin sənədlərinin toplanması və yoxlanması QAYDALARI

1. Bu qaydalar "Vergi orqanlarında xidmət haqqında Əsasnamə"nin 7, 8 və 9-cu maddələrinə və "Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamə"yə müvafiq olaraq vergi orqanlarına işə qəbul olunmaq üçün müraciət etmiş şəxslərin sənədlərinin toplanması və onların yoxlanılması məsələlərini tənzim edir.

2. Vergi orqanlarına işə qəbul olunmaq üçün müraciət edən şəxs müəyyən edilmiş formada şəxsən ərizə (əlavə 2.1) ilə Vergilər Nazirinə müraciət edir.

3.     Ərizə Vergilər Nazirliyinə daxil olduğu vaxtdan bir ay müddətinə nazirliyin kadr siyasəti və hazırlığı idarəsi tərəfindən müraciət edənin vergi orqanlarına işə qəbul edilməsinin mümkün olub-olmamasının qabaqcadan müəyyən edilməsi məqsədi ilə yoxlama aparılır.

4.    Yoxlamanın aparılması üçün müraciət edən aşağıdakı sənədləri nazirliyin kadr siyasəti və hazırlığı idarəsinə təqdim edir:

4.1.   ərizə (əlyazma iləvə TQDK-nın təqdim etdiyi formada);

4.2.   şəxsiyyət vəsiqəsinin surəti;

4.3.   tərcümeyi-hal;

4.4.   kadrların şəxsi uçot vərəqəsi;

4.5.   4x6 sm ölçüdə dörd ədəd rəngli fotoşəkil;

4.6.   ali təhsil barədə diplomun notarial qaydada təsdiq olunmuş surəti;

4.7.   Əmək kitabçasının təsdiq olunmuş surəti (son iş yeri barədə qeyd olması şərti ilə) və ya əmək fəaliyyətinin olmadığı haqqında arayış;

4.8.   yaşadığı yerin poliklinikasından sağlamlıq barədə arayış;

4.9. Bakl ş. Zığ şossesi, 13 ünvanda yerləşən Respublika Narkoloji dispanserindən yoxlama aktı (arayış);

4.10. yaşadığı ünvan və ailə tərkibi barədə arayış;

4.11. nigah, uşaqların doğum və boşanma haqqında şəhadətnamələrin notarial qaydada təsdiq olunmuş surətləri;

4.12. hərbi biletin surəti.

5. Tərcümeyi-halda müraciət edənin soyadı, adı, atasının adı, doğulduğu tarix və yer, ixtisası (nə vaxt və hansı tədris müəssisəsini bitirmişdir), əmək fəaliyyətinə başladığı vaxtdan etibarən son iş yeri göstərilməklə (ali, orta ixtisas mƏktəblərində təhsil aldığı vaxt, hərbi xidmət və əvəzçilik üzrə iş də daxil olmaqla) iş yerləri və tutduğu vəzifələr, yaxın qohumlar (ata, ana, bacı, qardaş, həyat yoldaşı, uşaqları, qayınata, qaynana,
qayın və baldız) haqqında məlumat (soyadı, adı, atasının adı, doğulduğu il və yer, iş yeri və vəzifəsi, yaşadığı ünvan, məhkumluğunun olub-olmaması, habelə vəfat etmişin vəfat etdiyi il) göstərilməlidir. tərcümeyi-hal müraciət edən tərəfindən əllə yazılır və imzalanır. müraciət edən tərcümeyi-halda göstərilən məlumatların doğruluğuna cavabdehdir. Namizəd özü və yaxın qohumları barədə bilərəkdən təhrif olunmuş məlumatlar verdikdə müsabiqəyə buraxılması barədə ərizəsi rədd olunur.

6. Namizədin təqdim etdiyi sənədlərdə çatışmazlıqlar olmadığı halda sənədlər qəbul edilir və Vergi orqanlarına işə qəbul olunmaq üçün müraciət etmiş namizədlərin sənədlərin qəbulunun qeydiyyatı kitabında (əlavə 2.2) müvafiq qeydiyyat aparılır.

7. Bu Qaydaların 4-cü bəndində göstərilənlərdən əlavə digər sənədlərin tələb edilməsinə yol verilmir. Müraciət edən şəxs özünü xarakterizə edən başqa sənədləri təqdim edə bilər.

8.           Vergi orqanlarına işə qəbul olunmaq üçün müraciət etmiş şəxsin yaşı 35-i keçmiş olarsa, ali təhsilə malik olmasa, müvafiq qaydalar çərçivəsində ali təhsil barədə sənədi Azərbaycan Respublikasında tanınmasa, bu qaydaların 4-cü bəndində göstərilən sənədlərindən aidiyyəti olanlarının hər hansı biri çatışmadıqda və ya tələb edilən qaydada olmadıqda sənədlər qəbul edilmir və işçi qrupun rəhbəri tərəfindən sənədlərin qəbul edilməməsinin səbəbi göstərilməklə vətəndaşa rəsmi məlumat verilir.

9.           Müraciət edənin təqdim etdiyi sənədlərdə həqiqətə uyğun olmayan məlumatlar aşkar edildikdə kadr siyasəti və hazırlığı idarəsi tərəfindən təqdim olunan sənədlər dərhal rəsmi surətdə vətəndaşa göndərilərək (qaytarılaraq) müsabiqəyə buraxılmadığı (səbəbi göstərilməklə) ona bildirilməlidir.

10. İşçi qrup tərəfindən qəbul edilən sənədlərin qeydiyyatı aparılır, sənədlərin qəbul edilməsi barədə qeydiyyat kitabında vətəndaş və sənədləri qəbul edən işçi qrupun üzvü imza edir, qəbul edilən sənədlərin siyahısı göstərilən qəbz (əlavə 2.4) imzalanaraq vətəndaşa verilir. Qəbzdə namizədin təhrif olunmuş məlumat verməməsinin əks halda hətta işə qəbul olunduqdan sonra bu müəyyən edilərsə, bu, onun xidmətdən xaric olunmasına əsas verəcəyi barədə qeyd əlavə edilir.

11.         Müraciət edənin vergi orqanlarına işə qəbulunu qanunvericiliklə istisna edən hallar aşkar edilmədikdə kadr siyasəti və hazırlığı idarəsi tərəfindən qısa rəy tərtib edilərək qəbul edilmiş sənədlərlə birlikdə komissiyaya təqdim edilir.

12.         Rəydə - sənədlərdə çatışmazlıqların olmadığı və müraciət edənin vergi orqanlarına işə qəbulunu qanunvericiliklə istisna edən hallar aşkar olunmadığı barədə məlumatlar qeyd edilir. Rəy onu tərtib edən əməkdaş tərəfindən soyadı, vəzifəsi və xüsusi rütbəsi göstərilməklə imzalanır.

13.         Rəy komissiyanın sədri tərəfindən təsdiq edildikdən sonra toplanmış sənədlər müsabiqə komissiyasına təqdim edilir.

14.         Müsabiqə başa çatdıqdan sonra müsabiqədən keçməyən vətəndaşların sənədləri on beş gün ərzində rəsmi məktubla vətəndaşa göndərilir (qaytarılır).

15. Namizədin vergi orqanlarında xidmətə qəbulu qanunvericilikdə istisna edilən əsaslardan azı biri aşkar edildikdə xahişin rədd edilməsinin səbəbləri göstərilməklə kadr siyasəti və hazırlığı idarəsi tərəfindən müraciət edənə sənədləri qaytarılmaqla rəsmi cavab verilir. Narazı qalan vətəndaşın şikayətinə qanunvericiliyə müvafiq surətdə baxılır.

Dövlət vergi orqanlarına işə qəbulolunmaq üçün namizədlərlə müsabiqənin keçirilməsi
QAYDALARI

1. Ümumi müddəalar

1.1. Bu qaydalar "Dövlət vergi orqanlarına işə qəbul olunmaq üçün namizədlərin müsabiqəsinin keçirilməsi haqqında Əsasnamə"yə, "Dövlət vergi orqanlarında xidmət haqqında Əsasnamə"yə, "Dövlət qulluğu haqqında Qanun^”a müvafiq olaraq hazırlanmışdır və dövlət vergi orqanlarına (bundan sonra - vergi orqanlarına) işə qəbul olunmaq üçün namizədlərin (bundan sonra - namizədlər) müsabiqəsinin keçirilməsini müəyyən edir.

1.2.   Dövlət vergi orqanlarına işə qəbul olunmaq istəyən hər bir namizədin hazırlığının, bilik səviyyəsinin, ümumi dünyagörüşünün, dövlət vergi orqanlarında xidmətə yararlı və layiqli olmasının müəyyən edilməsi məqsədilə aşkarlıq şəraitində şəffaflıq əsasında müsabiqə keçirilir. müsabiqə test imtahanından və müsahibədən ibarətdir.

1.3.  Vergi orqanlarında boş ştat vahidləri olduqda işə qəbulla əlaqədar kadr siyasəti və hazırlığı idarəsi tərəfindən kütləvi informasiya vasitələrində müsabiqə elan edilməsi məsələsi müvafiq qaydada həll edilir.

1.4. İşə qəbul barədə məlumatlar rəsmi mətbuatda dərc olunur.

2. Müsabiqə komissiyası

2.1.    Müsabiqə ilə bağlı təşkilati məsələlərin həll edilməsi və müsahibənin keçirilməsini Vergilər Nazirliyinin kollegiyasının qərarı ilə yaradılan və 3 il müddətinə fəaliyyət göstərən müsabiqə komissiyası (bundan sonra - komissiya) həyata keçirir. Zərurət olduqda komissiyanın tərkibinə müvafiq dəyişiklik edilir.

2.2.    Komissiyanın işinə nüfuzlu hüquqşünaslar, alimlər, ekspertlər və mütəxəssislər cəlb edilə bilər.

2.3.    Hər hansı şəxs tərəfindən bilavasitə, yaxud dolayı yolla komissiyanın işinə təsir, hədə, qanunsuz müdaxilə yolverilməzdir.

2.4.    Komissiya zərurət olduğu hallarda səlahiyyətlərinə aid olan məsələlərlə əlaqədar iclas keçirir. iclasın vaxtı, yeri və müzakirəyə çıxarılan məsələlər barədə komissiya üzvlərinə iki gün qabaqcadan məlumat verilir.

2.5.    Komissiya, üzvlərindən üçdə iki hissəsi iştirak etdikdə səlahiyyətli sayılır. Baxılan məsələlər üzrə qərarlar açıq səsvermə və sadə səs çoxluğu ilə qəbul edilir. Qəbul edilmiş qərar iclasda iştirak edən bütün komissiya üzvləri tərəfindən imzalanır. Komissiyanın sədri sonuncu səs verir. komissiya üzvünün xüsusi rəyi olduqda rəy qərara əlavə edilir.

3. Test imtahanlarına buraxılışın təşkilı qaydaları

3.1. Namizədlərdən sənədlər qəbul edildikdə TQDK-nın təqdim etdiyi (optik oxunma üçün nəzərdə tutulmuşdur) ərizə forması və Namizədin vəsiqəsi də doldurulur.

3.2.   Müsabiqəyə buraxılacaq namizədin doldurduğu ərizə forması və Namizədin vəsiqəsi (TQDK-nın təqdim etdiyi) TQDK-na təqdim edilir (namizədlərin siyahısı ilə birlikdə). TQDK-sı müəyyən edilmiş qaydalara əsasən namizədi qeydiyyatdan keçirir və test imtahanlarına ən azı beş gün qalmış namizədlərə paylanması üçün "Namizədin vəsiqəsi"ni, "İmtahana buraxılış vəsiqəsi"ni və "Yaddaş kitabçası"nı Vergilər Nazirliyinə təqdim edir.

3.3.   İşçi qrup tərəfindən "Namizədin vəsiqəsi", "imtahana buraxılış vəsiqəsi" və "Yaddaş kitabçası" üç gün müddətinə namizədlərə paylanılır.

3.4. Test imtahanı Azərbaycan Respublikasının müvafiq qanunvericiliyi ilə müəyyən edilmiş qaydada TQDK tərəfindən təyin olunmuş yerdə və vaxtda keçirilir.

4. Müsahibənin keçirilməsi

4.1. Namizədlərin vergi orqanlarında işləmək üçün zəruri keyfiyyətlərə malik olmasını müəyyən etmək məqsədi ilə test imtahanlarından keçid balı toplanış şəxslərlə müsahibə keçirilir.

Test imtahanının nəticələri TQDK tərəfindən təsdiq olunmuş formada komissiyaya təqdim edilir.

4.2.    Komissiya tərəfindən test imtahanlarının TQDK təqdim edilmiş nəticələrinə baxıldıqdan sonra namizədlərlə müsahibənin keçirilməsi barədə qərar verir. Eyni zamanda komissiya müsahibənin keçirildiyi vaxt və yer haqqında məlumat verilməsini kadr siyasəti və hazırlığı idarəsinə tapşırır.

4.3.    Müsahibənin keçirildiyi vaxt və yer barədə namizədlərə nazirliyin kadr siyasəti və hazırlığı idarəsi tərəfindən ən azı 2 gün əvvəl məlumat verilir.

4.4.    Müsahibəyə başlayarkən komissiyanın rəhbəri namizədlərin siyahısını elan edir və müsahibə aparan şəxslərdən etirazları olub olmamasını soruşur. Namizədlə yaxın qohumluq və ya şəxsi münasibətdə olan komissiyanın üzvü həmin namizədlə söhbətdə iştirak etmir. Əsaslar olduqda namizəd müsahibə başlamamışdan əvvəl müsahibə aparanlardan hər hansına etiraz edə bilər. Etirazın qəbul və ya rədd edilməsini komissiyanın sədri müəyyən edir.

4.5.    Hər bir namizədlə müsahibə fərdi qaydada 20 dəqiqə aparılır.

4.6. Müsahibə zamanı namizədin verdiyi cavablar komissiyanın hər bir üzvü tərəfindən 0, 1, 2, 3, 4 və 5 balların biri ilə qiymətləndirilir. Verilmiş qiymətlər toplanılaraq müsahibədə iştirak edən komissiya üzvlərinin sayına bölünərək orta bal çıxarılır. Müsahibənin nəticəsi üzrə namizədin orta balı "3"-dən çox olduqda həmin namizəd müsahibədən müvəffəqiyyətlə çixmiş hesab edilir.

5. Müsabiqənin yekunlaşdırılması

5.1. Müsabiqənin nəticələri namizədin müsahibədən müvəffəqiyyətlə keçib- keçmədiyindən asılıdır. Müsabiqədə bərabər nəticələr əldə etmiş şəxslərdən elmi dərəcəsi olanlara, xarici dilləri mükəmməl bilənlərə, kompüter biliklərinə malik olanlara
və vergi orqanlarında vaxtı ilə iş stajı olanlara üstünlük verilir.

5.2.    Komissiya müsahibənin nəticəsindən asılı olaraq namizədin işə qəbul olunması və ya olunmamasının tövsiyə edilməsi barədə iki qərardan birini qəbul edir.

5.3.    Müsahibə başa çatdıqdan sonra 5 gündən gec olmayaraq müsabiqənin nəticələri elan olunur və rəsmi mƏtbuatda dərc edilir.

5.4.    Müsabiqənin nəticələrinə görə vergi orqanlarına işə qəbul olunmağa tövsiyə edilmiş namizədlər Vergilər Nazirinə təqdim edilir. Vergilər Naziri ona təqdim olunmuş namizədlər sırasından müvafiq vakant ştat vahidlərinə təyinat aparır.

5.5.    Komissiyanın qərarlarından razı olmayan namizədlər Vergilər Nazirinə şikayət edə bilər. Vergilər Naziri şikayətə baxılmasının nəticəsi barədə namizədə yazılı cavab verir. Şikayətə baxılmanın nəticələrindən razı olmayan namizəd məhkəməyə müraciət edə bilər.

5.6. Müsabiqədən müvəffəqiyyətlə keçən namizədlərin sayı vergi orqanlarında boş olan ştat vahidlərinin sayından artıq olduqda namizədlər vəzifələrə müsahibənin nəticələrinə əsasən müvafiq vəzifələrin tələblərinə uyğun ixtisaslara görə, yaşayış yerinə görə, öz razılığı nəzərə alınmaqla təyin edilir. Bu və ya digər səbəbdən işə qəbul edilməsi barədə Əmr verilməyən namizədlər Vergilər Nazirliyinin kadr ehtiyatlarına daxil edilir və müvafiq ştat üzrə boş yer yarandıqca müvafiq vəzifələrə təyin edilirlər