№ A-40
21 aprel 2000-ci il

ƏMR

Vergi orqanlarına daxil olan şikayәtlәrin baxılmasının keyfiyyәtinin artırılması vә vergi ödәyijilәrinin vergi mәsәlәlәri üzrә mәlumatlandırılması sahәsindә işin tәşkil edilmәsi mәqsәdi ilә

ƏMR EDİRƏM

1.Azәrbaycan Respublikası Vergilәr Nazirliyinin mәrkәzi aparatında vә Nazirliyin şәhәr vә rayonlar üzrә Vergilәr idarә vә şöbәlәrindә münaqişә-mәslәhәt komissiyaları yaradılsın.
2. Vergi xidmәti orqanlarının münaqişә-mәslәhәt komissiyaları haqqında Əsasnamә tәsdiq edilsin (әlavә olunur).
3. Komissiyaların tәrkibi yüksәk ixtisaslı mütәxәssislәr sırasından tәyin olunsun.
4. Vergilәr Nazirliyinin şәhәr vә rayonlar üzrә Vergilәr idarә vә şöbәlәrinin rәhbәrlәrinә tapşırılsın ki, 10 gün müddәtinә münaqişә-mәslәhәt komissiyasının fәrdi tәrkibinin Vergilәr Nazirliyindә tәsdiq olunması üçün tәkliflәrini Vergi siyasәti vә strateci araşdırmalar İdarәsinә tәqdim etsinlәr.
5. Vergi siyasәti vә strateci araşdırmalar İdarәsinә (A.Musayev) tapşırılsın ki:
-10 gün müddәtindә Vergilәr Nazirliyinin mәrkәzi aparatının münaqişә-mәslәhәt komissiyasının fәrdi tәrkibi barәdә Vergilәr Nazirinә tәklif versin;
-Vergilәr Nazirliyinin münaqişә-mәslәhәt komissiyalarının işinin tәşkilinә vә fәaliyyәtinә daim nәzarәt etsin;
-Komissiyaların ijlaslarında müzakirә olunan mәsәlәlәri mütәmadi olaraq tәhlil etsin vә görülәn işlәr barәdә Vergilәr Nazirini mәlumatlandırsın.
6. Bu әmrin ijrasına nәzarәti özümdә saxlayıram.

Nazir F.Mәmmәdov

Vergilәr Nazirliyinin 21.04. 2000-ci il tarixli A-40 saylı әmri ilә tәsdiq edilmişdir

Dövlәt vergi xidmәti orqanlarının münaqişә-mәslәhәt komissiyası haqqında

ƏSASNAMƏ

1. Dövlәt vergi xidmәti orqanlarının münaqişә-mәslәhәt komissiyası (bundan sonra ''komissiya'' adlanacaq) Azәrbaycan Respublikasının dövlәt vergi xidmәti orqanlarının qәrarlarından (aktlarından) vә onların vәzifәli şәxslәrinin hәrәkәtlәrindәn (hәrәkәtsizliyindәn) daxil olan şikayәtlәrә baxılması vә vergi ödәyicilәrinin vergi mәsәlәlәri üzrә mәlumatlandırılması sahәsindә işin tәşkil edilmәsi mәqsәdi ilә yaradılır.
2. Komissiya vergi orqalarının yüksәk ixtisaslı mütәxәssislәr sırasından Vergilәr Nazirliyinin mәrkәzi aparatında vә Nazirliyin şәhәr vә rayonlar üzrә Vergilәr idarә vә şöbәlәrindә tәşkil edilir vә daimi fәaliyyәt göstәrir.
3. Komissiyanın tәrkibi Vergilәr Naziri tәrәfindәn tәsdiq edilir.
4. Komissiyanın tәrkibinә komissiyanın sәdri, komissiyanın üzvlәri vә katib daxildir.
5. Vergi ödәyicisinin vә ya başqa borclu şәxsin vergi orqanının vәzifәli şәxslәrinin hәrәkәtlәrindәn (hәrәkәtsizliyindәn) daxil olmuş şikayәtlәrinә qanunvericiliklә müәyyәn olunmuş müddәtlәrdә hәm yerli vergi orqanı, hәm dә yuxarı vergi orqanının komissiyası tәrәfindәn baxıla bilәr.
6. Vergi ödәyicisinin vә ya başqa borclu şәxsin yerli vergi orqanının qәrarlarından (aktlarından) daxil olan şikayәtlәrinә yuxarı vergi orqanının komissiyası tәrәfindәn qanunvericiliklә müәyyәn olunmuş müddәtlәrdә baxılır.
7. Komissiyanın iclasları müvafiq vergi orqanının rәhbәri tәrәfindәn tәsdiq edilmiş iş planına uyğun olaraq, lakin hәftәdә bir dәfәdәn az olmamaq şәrti ilә keçirilir.
8. Komissiyanın iclasları komissiya üzvlәrinin 2/3-dәn çoxu iştirak etdikdә sәlahiyyәtlidir.
9. Komissiya baxılan mәsәlәlәrlә bağlı vergi orqanlarının vәzifәli şәxslәrini iclaslarına dәvәt etmәk vә onlardan lazımi sәnәdlәr vә izahatlar tәlәb etmәk hüququna malikdir.
10. Komissiyanın qәrarları iclasda iştirak edәn komissiya üzvlәrinin ümumi sayının sadә sәs çoxluğu ilә qәbul edilir vә komissiyanın üzvlәri tәrәfindәn imzalanan protokolla rәsmilәşdirilir. Komissiya üzvlәrindәn birinin imzadan imtina etmәsi vә xüsusi rәyi protokolun özündә qeyd edilir.
11. Komissiyanın qәrarı tövsiyyә xarakteri daşıyır vә qanunvericilikdә nәzәrdә tutulmuş qaydada qәrar qәbul etmәk üçün müvafiq vergi orqanının rәhbәrliyinә tәqdim olunur.
12. Komissiyanın qәrarı, daxil olmuş şikayәtin baxılması ilә bağlı müvafiq vergi orqanının rәhbәrliyi tәrәfindәn qanunvericilikdә nәzәrdә tutulmuş qaydada qәrar qәbul edilәnәdәk vergi ödәyicisinә açıqlanmamalıdır.