1. Vergi ödәyicilәrinin vergi mәsәlәlәri üzrә mәlumatlandırılması haqqında Əsasnamә tәsdiq edilsin (әlavә olunur).
2. Vergi orqanlarının rәhbәrlәri vergi ödәyicilәrinә vergi vә digәr icbari ödәnişlәrlә bağlı qanunvericilik vә normativ-hüquqi aktlar, onların hüquq vә vәzifәlәri, vergi orqanlarının sәlahiyyәtlәri vә mәsuliyyәti, vergi vә digәr icbari ödәnişlәrlәrin hesablanması vә ödәnilmәsi qaydaları haqqında izahat vә mәlumatların verilmәsini bu Əsasnamәyә uyğun olaraq hәyata keçirsinlәr.     
3. Vergi orqanlarında  vergi ödәyicilәrinin mәlumatlandırılması ilә mәşğul olan  mütәxәssislәri tәyin etmәk Kadr siyasәti vә hazırlığı İdarәsi (F.Osmanov) vә Hüquqi tәminat vә vergi borclarının mәcburi alınması İdarәsinә (X.Babayev) tapşırılsın. 
4. Bu әmrin icrasına nәzarәt Vergi siyasәti vә strateji araşdırmalar İdarәsinә (A.Musayev) tapşırılsın.

 

 

 

 

 

 

1. Ümumi müddәalar

 

1.1. Vergi siyasәtinin hәyata keçirilmәsi, vergi vә digәr icbari ödәnişlәrin hesablanması vә ödәnilmәsi qaydaları haqqında izahatların verilmәsi, vergi  qanunvericiliyinә dair normativ-hüquqi aktlarla bağlı vergi ödәyicilәrinin, onların sәlahiyyәtli nümayәndәlәrinin, vergi agentlәrinin (bundan sonra vergi ödәyicilәri)  mәlumatlandırılması, onların müraciәt vә sorğularını cavablandırma bu Əsasnamә ilә tәnzimlәnir.       
1.2. Vergi ödәyicisinin vergi vә digәr icbari ödәnişlәrlә bağlı vergi orqanlarına yazılı sorğu vermәk hüququ vardır.

 

2. Vergi ödәyicilәrinin mәlumatlandırılması sahәsindә vergi xidmәti orqanlarının vәzifәlәri
 
2.1. Vergi siyasәtinin hәyata keçirilmәsi ilә әlaqәdar olaraq vergi qanunvericiliyindә edilәn dәyişikliklәrin vacibliyini ictimaiyyәtә çatdırmaq.
2.2. Vergi ödәyicilәrinin vergi mәsәlәlәri üzrә mәlumatlandırılması üçün müvafiq tәdbirlәr görmәk.
2.3. Vergi vә digәr icbari ödәnişlәrlә  bağlı  qanunvericilik vә normativ aktları, vergi ödәyicilәrinin hüquq vә vәzifәlәri, vergi orqanları vә onların vәzifәli şәxslәrinin sәlahiyyәtlәri haqqında vergi ödәyicilәrinә mәlumat vermәk.
2.4. Vergi vә digәr icbari ödәnişlәr haqqında qanunvericiliyin tәtbiqi, onların   hesablanma vә ödәnilmә  qaydaları barәdә vergi ödәyicilәrinә onların sorğusu әsasında yazılı mәlumat vermәk.
2.5. Vergi qanunvericiliyindә edilәn  әlavә vә dәyişikliklәr barәsindә kütlәvi informasiya vasitәlәrilә vergi ödәyicilәrinә operativ şәkildә mәlumat vermәk.

 

3. Vergi vә digәr icbari ödәnişlәrә dair mәlumatların verilmә qaydaları             

 

3.1. Vergi ödәyicisinin müraciәt etdiyi  vergi orqanı tәrәfindәn ona, sorğu edilәn mәlumatların olmadığı vә 3.2, 3.3, 3.4 bәndlәrindәki hallar istisna olmaqla, vergi vә digәr icbari ödәnişlәrlә bağlı mәsәlәlәr barәsindә mәlumatlar verilir.
3.2. Vergi ödәyicisinin hüquq vә qanuni maraqlarına aidiyyәti olan mәlumatlar, qanunvericilikdә digәr hallar nәzәrdә tutulmamışdırsa, yalnız  vergi ödәyicisinә  verilir.
3.3. Vergi orqanlarının vә onların vәzifәli şәxslәrinin hüquq vә vәzifәlәrinә aid mәlumat yalnız vergi ödәyicisinin qanuni hüquq vә maraqlarına bilavasitә  aid olduğu hallarda  verilir.
3.4. «Mәxfi», «Şәxsәn», «Xidmәti istifadә üçün» vә «Dәrc olunmamalı» qrifli aktlarda olan mәlumatlara aid sorğulara yazılı cavab dövlәt vә kommersiya sirri xarakterli olan mәlumatların yayılmasını istisna edәn hallarda verilir.
3.5. Qüvvәdә olan normativ-hüquqi aktlar haqqında mәlumat şәxsi mülahizәlәr vә sәrbәst şәrhlәrә yol verilmәdәn  aktın adı, rekvizitlәri vә nәşr olunduğu mәnbә göstәrilmәklә verilir.
3.6. Vergi vә digәr icbari ödәnişlәr üzrә ümumi tanışlıq üçün mәlumatlar vergi orqanlarının yerlәşdiyi ünvanlarda şifahi elanlar, mәlumat stendlәri, tablolar vә digәr texniki vә әyani vasitәlәrdәn istifadә edilmәklә verilir.

 

4. Yazılı sorğulara baxılma qaydaları

 

4.1. Vergi ödәyicilәrinin Vergilәr Nazirliyinә göndәrdiyi yazılı sorğular baxılmaq   üçün yerli vergi  orqanlarına  ünvanlandırılmalıdır. Bu mümkün olmadıqda vә ya mәqsәdәmüvafiq hesab edilmәdikdә Vergilәr Nazirliyinin әlaqәdar idarәsi tәrәfindәn baxılmalıdır.
4.2. Yazılı sorğunun verilmә tarixi (o cümlәdәn poçt ilә göndәrilmiş) onun dövlәt vergi xidmәti orqanı tәrәfindәn qeyd edildiyi tarix hesab olunur.
4.3. Sorğuya daxil olduğu gündәn on beş gün müddәtindә baxılmalıdır. Zәruri (müstәsna) hallarda sorğunun baxılma müddәti bir aya qәdәr  uzadıla bilәr. Əlavә sәnәd vә mәlumatların alınmasına zәrurәt yarandıqda sorğuya baxılma müddәti son sәnәdin tәqdim olunduğu gündәn  başlanır.
4.4. Vergi orqanı sorğunu verәn vergi ödәyicisinә mәsәlәnin baxılması üçün hansı mәlumatların lazım olması barәdә bildiriş göndәrmәlidir.
4.5. Sorğunu göndәrmiş vergi ödәyicisi mәsәlәnin baxılmasına kömәklik göstәrmәkdәn imtina edәrsә, vergi orqanının sorğunu cavabsız saxlamaq hüququ vardır.
4.6. Sorğuya cavab yazılı şәkildә verilir. Telefonoqramlar vә digәr rabitә növlәrindәn istifadә edilәrәk verilmiş cavablar da yazılı cavab hesab edilir.
4.7. Vergi ödәyicilәrinin sorğularına cavablar ödәnişsiz verilir.
                          
5. Vergi ödәyicilәrinin müraciәt vә sorğularının uçotu
             
5.1. Vergi ödәyicilәrinin müraciәt vә sorğularının  uçotu  müraciәt olunan vergi xidmәti orqanı tәrәfindәn Vergilәr Nazirliyindә qәbul olunmuş kargüzarlıq işlәrinin tәşkili vә aparılması qaydaları üzrә Tәlimata müvafiq olaraq   aparılır.

 

6. Vergi ödәyicilәrinin mәlumatlandırılması sahәsindә dövlәt vergi xidmәti orqanlarının mәsuliyyәti