A – 44
18 fevral 2002-ci il

Ə M R

Azәrbaycan Respublikası Maliyyә Nazirliyinin vә Vergilәr Nazirliyinin ''Xarici ölkәlәrin diplomatik vә analoji nümayәndәliklәrinin rәsmi istifadәsi, hәmçinin, bu nümayәndәliklәrin diplomatik, inzibati vә texniki işçilәrinin, o cümlәdәn onlarla yaşayan ailә üzvlәrinin şәxsi istifadәsi üçün nәzәrdә tutulan mal vә xidmәtlәrә görә әlavә dәyәr vergisinin sıfır (0) dәrәcә ilә tutulmasına dair'' birgә Prosedur qaydalarının icrasının tәkmillәşmәsi mәqsәdilә

ƏMR EDİRƏM:

1.Prosedur qaydalarının icrası ilә bağlı vergi orqanlarına dair mәsәlәlәr mәrkәzlәşdirilmiş qaydada hәyata keçirilmәsi mәqsәdilә Vergilәr Nazirliyinin yanında İri vergi ödәyicilәri vә xüsusi vergi rejimli müәssisәlәrlә iş üzrә Departamentә hәvalә edilsin.
2.İri vergi ödәyicilәri vә xüsusi vergi rejimli müәssisәlәrlә iş üzrә Departamentә (S.Mәmmәdxanov) tapşırılsın:
- Prosedur qaydaların icrası daimi әsasda konkret vәzifәli şәxslәrә hәvalә edilsin;
- diplomatik nümayәndәliklәrin vә analoji qurumların uçota alınması (VÖEN verilmәklә) işinin davam etdirilmәsi tәmin edilsin.
3.İri vergi ödәyicilәri vә xüsusi vergi rejimli müәssisәlәrlә iş üzrә Departamentә vә diplomatik nümayәndәliklәrin vә analoji qurumların vergi uçotunda olduğu şәhәr (rayon) vergilәr idarәlәrinin (şöbәlәrinin) rәislәrinә tapşırılsın ki, hәmin qurumlarla bağlı bütün aidiyyatı sәnәdlәrin, o cümlәdәn şәxsi hesab vәrәqәlәrinin müvafiq qaydada 15 gün müddәtindә tәhvil - tәslim edilmәsini tәmin etsinlәr.
4.Bu әmrin imzalandığı tarixdәn Vergilәr Nazirinin A-116 saylı 25 iyul 2001-ci il tarixli Əmri qüvvәdәn düşmüş hesab edilsin.
5.Vergilәr Nazirliyinin Katibliyinә (E.Hacıyev) tapşırılsın ki, әmrin bütün vergi orqanlarına çatdırılmasını tәmin etsin.
6.Əmrin icrasına nәzarәt Vergilәr Nazirinin müavini (N.Qasımova) tapşırılsın.

Nazir

II dәrәcәli dövlәt vergi xidmәti
müşaviri
F.Mәmmәdov