№ A-66
18 may 2000-ci il

ƏMR

Dövlәt vergi siyasәtinin sәmәrәli kadr tәminatının dövlәt vә ictimai mәnafein üstünlüyünün tәmin edilmәsindәki rolunu nәzәrә alaraq, vergi orqanı әmәkdaşlarının xidmәt şәrәfinin, peşә nüfuzunun vә şәxsi lәyaqәtinin qorunmasında aşkarlığın tәmin edilmәsi vә peşә davranış qaydalarının etik normalarnı tәnzimlәmәk mәqsәdi ilә

ƏMR EDİRƏM

1. Dövlәt vergi orqanı әmәkdaşlarının peşә etikası kodeksi (''Kodeks'') tәsdiq edilsin (әlavә olunur).
2. Bu kodeksin kitabça şәklindә nәşr edilib bütün vergi orqanlarına çatdırılması Maliyyә İdarәsinә (Ə.Kamilov) tapşırılsın.     
3. Mәrkәzi aparatın struktur bölmәlәrinin vә yerli vergi orqanlarının rәhbәrlәrinә tapşırılsın ki, tabeliyindә olan bütün әmәkdaşların bu kodekslә tanış olmalarını tәmin etsinlәr. 
4. Bu әmrin icrasına nәzarәt Vergi siyasәti vә strateji araşdırmalar İdarәsinә (A.Musayev) tapşırılsın.

Nazir                                                                           F.Mәmmәdov

Vergilәr Nazirliyinin 18.05. 2000-ci il tarixli A-66 saylı әmri ilә tәsdiq edilmişdir

Dövlәt vergi orqanı әmәkdaşlarının  peşә etikası kodeksi

1. Ümumi müddәalar

1.1. Dövlәt vergi orqanı әmәkdaşlarının peşә etikası kodeksi (bundan sonra ''Kodeks'' adlanacaq)  vergi orqanlarında xidmәt edәn vәzifәli şәxslәrin vә digәr әmәkdaşların (bundan sonra ''vergi orqanı әmәkdaşı'' adlanacaq) sәdaqәtә, sәyә, qәrәzsizliyә, aşkarlığa, loyallığa vә nәzakәtlilik meyarlarına әsaslanan ümumi davranış qaydalarını müәyyәn edir .
1.2. Kodeksin qaydaları, vergi orqanı әmәkdaşlarının yerinә yetirdiklәri xidmәti vәzifәlәrinin xüsusiyyәtlәri ictimai mәnafeyin üstünlüyünü tәmin etmәk mәqsәdilә vәzifәlәrin yerinә yetirilmәsi zamanı tәsirdәn azad olmaq vә buna baxmayaraq etibarlılığı vә xidmәt şәrәfini qorumağa yönәldilәn xüsusi tәdbirlәr vә öhdәliklәr haqqında qaydaların tәlәb etdiyi şәraitә uyğun olmayan halların yarada bilmәsini nәzәrdә tutur.
1.3.  Bu kodeksin müddәaları әsasәn etik әhәmiyyәt kәsb edir. Bu sәviyyәdә hәmin müddәalara riayәt edilmәmәsi digәr hallarda istәnilәn nәticәlәrin mümkün olan araşdırılmasına xәlәl gәtirmәyәn daxili mәsәlә hesab edilir.

2. Xidmәt şәrәfinin vә peşә nüfuzunun qorunması
 
2.1. Vergi orqanı әmәkdaşı elә davranmalıdır ki, obyektiv olaraq vәtәndaşların etimadını qazansın. Bu sәbәbdәn o, hәmçinin ona etibar edilәn tapşırıqların yerinә yetirilmәsi çәrçivәsindә yalnız dövlәt vә ictimai mәnafelәrә uyğun hәrәkәt etmәlidir.
2.2. Xidmәt şәrәfini vә peşә nüfuzunu qorumaq mәqsәdi ilә vergi orqanı әmәkdaşı xidmәti vәzifәlәrinin yerinә yetirilmәsi ilә bağlı xüsusi maraqlara malik hәr hansı bir şәxsdәn adi nәzakәt qaydalarından kәnara çıxan heç bir fayda әldә etmәmәlidir.
2.3. Vәtәndaşlarla xidmәti münasibәtlәrdә vergi orqanı әmәkdaşı hәmişә nәzakәtli olmalı, bununla belә, lazımi qәtiyyәt göstәrmәlidir.
2.4. Şәxsi hәyatda vergi orqanı әmәkdaşı vergi orqanlarına ziyan vura vә ya onu nüfuzdan sala bilәn davranışa vә ya şәraitin yaradılmasına yol vermәmәlidir. Bununla әlaqәdar olaraq o:
 a) xidmәti vәzifәlәri ilә әlaqәdar olan mәsәlәlәr üzrә göstәrdiyi kömәyin vә ya verdiyi mәslәhәtin müqabilindә haqq vә ya mükafat almaqdan çәkinmәlidir;
 b) vergi orqanlarının adına xәlәl gәtirә bilәn yerlәrdәn vә şәxslәrlә әlaqәdәn çәkinmәlidir;
 v) xüsusi zәrurәt olmadıqda özünün ödәmә imkanlarından artıq mәblәğlәrdә borclarının yaranmasına yol vermәmәlidir;
 q) öz ailә üzvlәrinә vә ya onunla bir yerdә yaşayan digәr şәxslәrә, yaxud dostlarına münasibәtdә belә, ictimai vә şәxsi maraqların toqquşduğu hallarda, ictimai mәnafeyi üstün tutmalıdır.
2.5. Vergi orqanı әmәkdaşı yoxlama apardığı vә ya müdiriyyәt adından qanuni sövdәlәşmәlәri şәrtlәşdirdiyi müvafiq әhәmiyyәtli şәxslәrlә vә ya şirkәtlәrlә istәr birbaşa, istәrsә dә üçüncü şәxslәr vasitәsilә şәxsi mәsәlәlәrlә bağlı tәmaslara girmәkdәn çәkinmәlidir.
       Əgәr hәr hansı bir bәraәtverici sәbәbdәn bu cür tәmaslara girmәk ehtimal olunursa, o bu haqda müvafiq qaydada rәhbәrliyә mәlumat vermәlidir.
2.6. Vergi orqanı әmәkdaşı onun özünün vә ya başqalarının xidmәti fәaliyyәtinә aid olan qәrar vә hәrәkәtlәrә dair ictimaiyyәt arasında, әgәr buna müvәkkil edilmәmişdirsә, öz üzәrinә öhdәliklәr götürmәmәli vә ya vәdlәr vermәmәlidir.

3. Hәdiyyәlәr vә sair imtiyazlar             

3.1. Vergi orqanı әmәkdaşı, birbaşa vә ya dolayı yolla onun öz vәzifәlәrini yerinә yetirmәsinә tәsir etmәk mәqsәdi daşıyan tәkliflәr olduqda, nә özü üçün, nә dә digәr şәxslәrin xeyrinә hәdiyyәlәr vә ya imtiyazlar qәbul etmәmәlidir.
3.2. Vergi orqanı әmәkdaşı vergi orqanlarının digәr әmәkdaşlarına müәyyәn qәrarların qәbul edilmәsi naminә hәdiyyәlәr vә ya imtiyazlar vermәmәlidir.
        Bu tәlәb hәmçinin bu mәsәlә üzrә qәrar qәbul etmәk sәlahiyyәti olmayan, lakin bu cür qәrar qәbul etmәyә tәsir göstәrmәk üçün obyektiv imkanı olanlara da şamil olunur.

4. Digәr fәaliyyәtin hәyata keçirilmәsi

4.1. Vergi orqanı әmәkdaşı qüvvәdә olan qaydalarda nәzәrdә tutulan qadağalara vә uyğunsuzluqlara münasibәtdә aşağıdakı fәaliyyәtlәr üzrә, hәtta tәmannasız belә, öz üzәrinә öhdәlik götürmәmәlidir:
a) onun xidmәti vәzifәlәrinin lazımınca yerinә yetirilmәsinә maneçilik törәdәn;
b) xidmәti vәzifәlәrinin yerinә yetirilmәsi üçün zәruri olan vә ya lazımi vaxt tәlәb edәn fiziki vә әqli enerjidәn tam istifadәyә mәnfi tәsir göstәrә bilәn.

5. Aşkarlıq haqqında
    
5.1. Qohumlarının vә ya onunla bir yerdә yaşayan digәr şәxslәrin, yaxud dostlarının işlәdiyi müәssisәlәrdә yoxlama aparılması, yaxud onlardan hesabatların vә ya vergi bәyannamәlәrin qәbul edilmәsi tapşırıldığı halda vergi orqanı әmәkdaşı yoxlama vә ya hesabat obyektinin dәyişdirilmәsi mәqsәdilә rәhbәrliyә mәlumat vermәlidir.
5.2. Vergi orqanı әmәkdaşları özünә mәxsus әmlakın qeydiyyatı vә istifadәsi haqqında müvafiq әsasnamәlәrin tәsdiq edilmәsinәdәk aşkarlıq naminә könüllü olaraq bu barәdә müvafiq qaydada mәlumat vermәlidir.
5.3. Vergi orqanı әmәkdaşı onun özünün vә ya digәr әmәkdaşların xidmәti vәziyyәtinә tәsir göstәrә bilәn birbaşa vә ya dolayısı qәrarlar vә ya müdaxilәlәrdәn çәkinmәlidir.