№ A-159
01 oktyabr 2001-ci il

ƏMR

Azәrbaycan Respublikası Prezidentinin 29 mart 2001-ci il tarixli 454 saylı Fәrmanı ilә tәsdiq edilmiş «Azәrbaycan Respublikasının Vergilәr Nazirliyi haqqında» Əsasnamәnin 11.23-cü bәndinә әsasәn müntәzәm nәzarәt tәlәb olunan yerlәrdә stasionar vergi mәntәqәlәrinin yaradılması nәzәrdә tutulmuşdur. Bununla әlaqәdar olaraq, eyni zamanda yarmarkaların, bazarların, iri ticarәt vә müntәzәm nәzarәt tәlәb olunan digәr obyektlәrin vә bu obyektlәrin әrazisindә yerlәşәn hüquqi vә fiziki şәxslәrin fәaliyyәtinә vergi nәzarәtinin tәkmillәşdirilmәsi mәqsәdilә

ƏMR    EDİRƏM:

1. «Stasionar vergi mәntәqәlәrinin yaradılması vә onların iş qaydaları»  tәsdiq edilsin (әlavә olunur).
2. Tapşırılsın Naxçıvan MR Vergilәr Nazirliyinә, Bakı şәhәri  Baş Vergilәr İdarәsinә, әrazi Vergilәr idarәlәrinә, şәhәr vә rayonlar   Vergilәr idarәlәrinә (şö’bәlәrinә):
- müntәzәm vergi nәzarәti tәlәb olunan yerlәrdә (yarmarkalar, iri ticarәt obyektlәri, bazarlar vә s.) stasionar vergi mәntәqәlәrinin yaradılmasını tәmin etsinlәr;
- stasionar vergi mәntәqәlәrinin vә bu mәntәqәlәrin işçilәrinin normal fәaliyyәt göstәrmәlәri üçün zәruri tәdbirlәr hәyata keçirsinlәr;
- stasionar vergi mәntәqәlәrinin işçilәrinin fәaliyyәtinә ciddi nәzarәt etsinlәr.
3. Bu әmrin icrasına nәzarәt Operativ nәzarәt idarәsinә (S.Hәşimov) hәvalә edilsin.

 Nazir                                                      F. Mәmmәdov

Vergilәr Nazirliyinin 01.10. 2001-ci il tarixli A-159 saylı әmri ilә tәsdiq edilmişdir

Stasionar  vergi  mәntәqәlәrinin yaradılması  vә  onların  iş qaydaları

 1. Stasionar vergi mәntәqәlәrinin yaradılması vә onun işçilәrlә tәmin edilmәsi aidiyyәti vergi orqanının әmri ilә rәsmilәşdirilmәlidir.
 2. Stasionar vergi mәntәqәsi onun yerlәşdiyi obyektin iş rejiminә uyğun fәaliyyәt göstәrmәlidir.
 3. Vergi orqanının işçilәri mәntәqәnin yerlәşdiyi әrazidә fәaliyyәt göstәrәn bütün obyektlәrin dislokasiyasını tәrtib etmәlidirlәr.
4. Stasionar vergi mәntәqәlәrinin işçilәri mәntәqәnin yerlәşdiyi yarmarkaların, bazarların, iri ticarәt vә müntәzәm nәzarәt tәlәb olunan digәr  obyektlәrin fәaliyyәtinә, bu obyektlәrin әrazisindә yerlәşәn bütün hüquqi vә fiziki şәxslәr tәrәfindәn gәlir vә xәrclәrin uçotunun aparılmasına nәzarәt etmәlidirlәr.
5. Mәntәqәnin yerlәşdiyi әrazidә fәaliyyәt göstәrәn obyektlәrdә mal-material dәyәrlilәrinin mövcud qanunvericiliyә müvafiq qaydada tam hәcmdә uçota alınmasına nәzarәt edilmәlidir.
6. Yarmarkalarda, ticarәt mәrkәzlәrindә, bazarlarda yaradılmış vergi mәntәqәlәrinin işçilәri hәmin obyektlәrdә ticarәt, ictimai iaşә, xidmәt vә digәr fәaliyyәt növlәri ilә mәşğul olan hüquqi vә fiziki şәxslәr tәrәfindәn ödәnilәn icarә haqlarının tam hәcmdә mәdaxil olunmasına nәzarәt etmәlidirlәr.
 7. Bazarlarda, yarmarkalarda, yaxud malların, mәmulatların vә kәnd tәsәrrüfatı mәhsullarının satışı üçün xüsusi olaraq ayrılmış digәr yerlәrdә birdәfәlik rüsumun düzgün, vaxtında alınmasına vә aidiyyәti üzrә ödәnilmәsinә nәzarәt edilmәlidir.
 8. Mәntәqәnin yerlәşdiyi әrazidә fәaliyyәt göstәrәn bütün hüquqi vә fiziki şәxslәr tәrәfindәn cari vergi ödәmәlәrinin, vergi borclarının, faizlәrin, maliyyә sanksiyalarının vә inzibati cәrimәlәrin vaxtında büdcәyә ödәnilmәsinә nәzarәt edilmәlidir.
9. Stasionar vergi mәntәqәlәrinin işçilәri kütlәvi ticarәt yerlәrindә fәaliyyәt göstәrәn obyektlәrdә nağd hesablaşmaların aparılması qaydalarına әmәl olunmasına vә bu hesablaşmalar nәticәsindә әldә olunmuş pul vәsaitlәrinin müvafiq qaydada vә tam hәcmdә mәdaxil olunmasına nәzarәt etmәlidirlәr.
 10. Xüsusi razılıq (lisenziya) tәlәb olunan fәaliyyәtlә mәşğul olan şәxslәrdә belә razılığın (lisenziyanın) olmasına nәzarәt edilmәlidir.
 11. Mәntәqәnin işçilәri hüquqi vә fiziki şәxslәrә mәxsus obyektlәrdә satılan vә ya saxlanılan tütün mәmulatı vә alkoqollu içkilәrә aksiz markalarının tәtbiqinә nәzarәt etmәlidirlәr.
 12. Stasionar vergi mәntәqәlәrinin işçilәri növbә әrzindә hәyata keçirdiklәri nәzarәt işlәri barәdә «Stasionar vergi mәntәqәsinin uçot kitabı»nda (kitabın forması әlavә edilir) qeydiyyat aparmalıdırlar. Bu kitabın sәhifәlәri nömrәlәnmәli, qaytanlanmalı vә әrazi üzrә vergi orqanının rәhbәrinin imzası vә möhürü ilә tәsdiq edilmәlidir.
13. Növbә başa çatdıqdan sonra mәntәqәnin işçilәri tәmsil etdiklәri vergi orqanının rәhbәrinә hesabat tәqdim etmәlidirlәr.

Stasionar  vergi  mәntәqәsinin  uçot  kitabı