A-138

04 sentyabr 2002-ci il

ƏMR

Bәlәdiyyәlәrә yerli vergilәrin vә ödәnişlәrin düzgün hesablanmasında, tam vә vaxtında ödәnilmәsindә, habelә vergi qanunvericiliyinә tam vә dәqiq riayәt edilmәsindә metodik rәhbәrliyin Azәrbaycan Respublikasının Vergilәr Nazirliyi tәrәfindәn hәyata keçirilmәsi ilә bağlı ««Yerli (bәlәdiyyә) vergilәr vә ödәnişlәr haqqında» Azәrbaycan Respublikası Qanununun tәdbiq edilmәsi barәdә» Azәrbaycan Respublikası Prezidentinin 2002-ci il 4 aprel tarixli 683 saylı Fәrmanından irәli gәlәn vәzifәlәrin icrasını tәmin etmәk mәqsәdi ilә әmr edirәm:

1. Vergi siyasәti vә strateci araşdırmalar Baş İdarәsinә (A.Musayev) tapşırılsın:

-         Bakı şәhәri Baş Vergilәr İdarәsi vә Ərazi Vergilәr İdarәlәri tәrәfindәn bәlәdiyyәlәr üçün vergi qanunvericiliyinin tәtbiqi ilә bağlı seminar-mәşğәlәlәrin keçirilmәsini;

-         Bәlәdiyyәlәrin vә onların vergi xidmәti orqanlarının әmәkdaşlarına vergi qanunvericiliyinin öyrәdilmәsinә dair tәdris proqramının hazırlanmasını vә bu proqram әsasında Tәdris Mәrkәzinin treninq kurslarının tәşkil edilmәsini tәmin etsin.

2. Bakı şәhәri Baş Vergilәr İdarәsinin vә Ərazi Vergilәr İdarәlәrinin rәislәrinә tapşırılsın ki, fiziki şәxslәrin torpaq vә әmlak vergilәrinin, hüquqi şәxslәrin mәnfәәt vә mәdәn vergilәrinin hesablanması, ödәnilmәsi vә uçotu ilә bağlı normativ sәnәdlәrin bir nüsxәsinin әrazilәrindә olan bәlәdiyyәlәrә çatdırılmasını tәmin etsinlәr vә bundan sonra mütәmadi olaraq hәmin vergilәrin metodiki bazasında baş verәn dәyişikliklәr vә әlavәlәr barәsindә mәlumatların bәlәdiyyәlәrә vaxtında çatdırılmasının tәmin edilmәsinә nәzarәt etsinlәr.
3. Naxçıvan Muxtar Respublikası Vergilәr Nazirliyinә (R.Mehdiyev) tapşırılsın ki, Muxtar Respublika әrazisindә yerlәşәn bәlәdiyyәlәrә yerli vergilәrin vә ödәnişlәrin düzgün hesablanmasında, tam vә vaxtında ödәnilmәsindә, habelә vergi qanunvericiliyinә tam vә dәqiq riayәt edilmәsindә metodik rәhbәrliyin hәyata keçirilmәsi üçün zәruri tәdbirlәrin hәyata keçirilmәsini tәşkil etsin.
4. Vergilәr Nazirliyinin bütün struktur bölmәlәrinin rәhbәrlәrinә tapşırılsın ki, yerli vergilәrin vә ödәnişlәrin düzgün hesablanmasında, tam vә vaxtında ödәnilmәsindә, habelә vergi qanunvericiliyinә tam vә dәqiq riayәt edilmәsindә metodiki rәhbәrliyin hәyata keçirilmәsindәn irәli gәlәn digәr mәsәlәlәrin hәlli ilә әlaqәdar zәruri tәdbirlәrin hәyata keçirilmәsini tәmin etsinlәr.
5. Nazirliyin Katibliyinә (E.Hacıyev) tapşırılsın ki, bәlәdiyyәlәrin «Vergilәr» qәzetinin abunә yazılışına cәlb edilmәsi ilә bağlı aidiyyәti mәsәlәlәrin hәlli üçün tәdbirlәrin hәyata keçirilmәsini tәmin etsin.

  Nazir         

  F.Mәmmәdov