15/15-25/92-1136
22 mart 2001-ci il

Azәrbaycan Respublikasının yrli vergi orqanlarının rәhbәrlәrinә«Hüquqi şәxslәrin dövlәt büdcәsinә borclarının güzәştli ödәnişi haqqında» Azәrbaycan Respublikasının Qanununun tәtbiqi barәdә

«Hüquqi şәxslәrin dövlәt büdcәsinә borclarının güzәştli ödәnişi haqqında» Azәrbaycan Respublikasının 24 oktyabr 2000-ci il tarixli Qanununun tәtbiqi ilә әlaqәdar olaraq onun icrası mәqsәdilә Azәrbaycan Respublikasının Vergilәr Nazirliyi rәhbәrlik üçün bildirir.
1. 01 oktyabr 2000-ci il tarixә dövlәt büdcәsinә borclar dedikdә hüquqi şәxslәrin dövlәt vergi orqanlarından aparılan şәxsi hesab vәrәqәlәrindә hәmin tarixә ödәmә müddәti başa çatmış bütün vergi, qeyri-vergi ödәnişlәri, vergilәrin vaxtında ödәnilmәmәsinә görә hesablanmış penyalar vә vergi qanunvericiliyinin pozulmasına görә tәtbiq olunmuş maliyyә sanksiyaları (o cümlәdәn, vergi orqanlarının maddi hәvәslәndirmә vә inkişaf fonduna çatan maliyyә sanksiyaları) üzrә borclar nәzәrdә tutulur. Hәmin tarixә ayrı-ayrı ödәnişlәr üzrә artıq ödәmә mәblәğlәri olduqda, onlar әvәzlәşdirilir. Bu qaydada müәyyәn edilmiş borcun mәblәği vergi orqanı ilә hüquqi şәxsin üzlәşdirmә aktı ilә tәsdiq edilir.
2.Ödәnilmәsi tәxirә salınmış borclar dedikdә vergi orqanı ilә hüquqi şәxsin tәsdiq etdiyi üzlәşmә aktına görә müәyyәn olunmuş borcların ödәmә müddәtinin güzәşt verilәn tarixәdәk vә yaxud güzәşt barәdә әrizәnin (bildirişin) vergi orqanına daxil olduğu vaxtdan Qanunun qüvvәdә olduğu vaxtadәk tәxirә salınması nәzәrdә tutulur.
3.Qanunun müddәalarının onun qüvvәyә mindiyi tarixdәn tәtbiq edildiyi nәzәrә alınaraq hüquqi şәxslәr tәrәfindәn 01 oktyabr 2000-ci il tarixdәn 03 dekabr 2000-ci il tarixәdәk olan dövr әrzindә dövlәt büdcәsinә ödәnilmiş mәblәğlәr hәmin dövrdә hesablanmış vergilәrin ödәnişinә aid edilir.
Bu dövrdә vergilәr, qeyri-vergi ödәnişlәri, penya vә maliyyә sanksiyaları üzrә dövlәt büdcәsinә ödәni lmiş mәblәğlәr, onların hәmin dövrdә hesablanmış vә tәtbiq edilmiş mәblәğlәrindәn çox olduqda, (01 oktyabr 2000-ci il tarixә olan borcun mәblәği şәmin fәrqin mәblәğindә azaldılır (güzәştin tәtbiqinә aid misallar әlavә olunur).
4. 01 oktyabr 2000-ci il tarixdәn әrizә (bildiriş) verilәn tarixәdәk olan dövr әrzindә ödәnilmәsi tәxirә salınmış borclara hesablanılmış penyalar şәxsi hesab vәrәqәlәrindә azaldılır.
5.Dövlәt büdcәsinә әsas borclarına görә öüzәştli ödәniş hüquq әldә etmәk barәdә vergi orqanına әrizә (bildiriş) vermiş hüquqi şәxslәr hәmin güzәşt onlar tәrәfindәn cari ödәnişlәr rüblәr üxrә ödәnilmәk şәrti ilә 01 oktyabr 2000-ci il tarixә olan borcların Qanunda müәyyәn olunmuş faizlәr hәcmindә ödәnildiyi halda verilir.
6.Hüquqi şәxs tәrәfindәn 01 oktyabr 2000-ci il tarixdәn әrizә (bildiriş_ verilәn tarixәdәk olan dövrdә yaranmış cari ödәnişlәr üxrә öhdәliklәr әrizә (bildiriş) verilәn rüb vә ya ondan sonrakı rüb әrzindә ödәnilmәlidir.
7.Hüquqi şәxs qeyd olunan güzәştli ödәniş hüququnun әldә olunması şәrtlәrini pozduqda güzәştli ödәniş hüququnu itirir vә hәmin tarixdәn ödәnilmәsi tәxirә salınmış borclar vә penyalar şәxsi şesabda tam bәrpa olunur.
8.Güzәştli ödәniş hüququnu itirmiş hüquqi şәxs Qanunun qüvvәdә olduğu müddәt әrzindә tәkrarәn güzәştli ödәniş hüququnu әldә etmәk üçün müraciәt edә bilәr.
9.Hüquqi şәxs tәrәfindәn vergi orqanına güzәşt barәdә әrizә ilә (bildirişlә) müraciәt edilәn müddәtәdәk olan dövr әrzindә 01 oktyabr 2000-ci il tarixdәn güzәşt verilәn tarixәdәk olan dövrә görә verilmiş dәqiqlәşdirilmiş haqq-hesablara әsasәn vә ya vergi orqanı tәrәfindәn aparılmış yoxlama nәticәsindә yaranmış vergi vә qeyri-vergi öhdәliklәrinә hәmçinin güzәşt tәtbiq olunur.
10.Hüquqi şәxsә güzәşt verildikdәn sonra onun tәrәfindәn 01 oktyabr 2000-ci il taricdәn güzәşt verilәn tarixәdәk olan dövrә aid edilmiş dәqiqlәşdirilmiş hesabata әsasәn әlavә hesablanmış vergi vә qeyri-vergi mәblәği dәqiqlәşdirilmiş haqq-hesabın vergi orqanına tәqdim edildiki vaxtdan 10 gün әrzindә ödәnilmirsә, verilmiş güzәşt lәğv edilmәli, güzәşt verilәn borclar tam bәrpa olunmaqla, hüquqi şәxsә mәlumat verilmәlidir.
11. Hüquqi şәxs güzәşt verildikdәn sonra vergi orqanı tәrәfindәn aparılmış yoxlama ilә 01 oktyabr 2000-ci il tarixdәn güzәşt verilәn tarixәdәk olan dövrә aid әlavә hesablanmış vergi vә ya qeyri-vergi öhdәliyi yaranarsa, bu öhdәlik 10 gün әrzindә ödәnilmәlidir. Əks halda verilmiş güzәşt lәğv edilmәli, güzәşt verilәn borclar tam bәrpa olunmaqla, hüquqi şәxsә bu barәdә mәlumat verilmәlidir.
12. 01 oktyabr 2000-ci il tarixә hüquqi şәxsin dövlәt büdcәsinә verginin әsas mәblәği üzrә borcu olmadıqda penya vә maliyyә sanksiyaları üzrә borcların ödәnilmәsi әrizәnin (bildirişin) daxil olduğu tarixdәn tәxirә salınır, cari ödәnişlәr üzrә borclar hәmin rüb vә növbәti rüb әrzindә ödәnildikdәn sonra silinir.
13. Dövlәt büdcәsinә borclarına görә güzәştli ödәniş hüququ әldә etmiş hüquqi şәxs büdcәyә olan cari ödәnişlәrini vә ödәnilmәsi tәxirә salınmış borclarının Qanunun 4-cü maddәsindә nәzәrdә tutulmuş faizlәrlә ödәdiyi andan Qanunda nәzәrdә tutulmuş güzәştlәr ona tәtbiq olunur.
14. Qanunun müddәaları inzibati cәrimә, әmәk haqqından tutulan gәlir vergisi vә mәnbәdә tutulan digәr vergilәrә şamil olunmur.
15. Hüquqi şәxslәrin ödәnilmәsi tәxirә salınmış borcları üzrә verilmiş güzәştlәr barәdә mәlumat vergi orqanları tәrәfindәn Vergilәr Nazirliyinin 10 yanvar 2001-ci il tarixli, 19/19-25-20 saylı mәktubu ilә müәyyәn olunmuş formada vә müddәtlәrdә tәqdim edilir.
Qoşma: 2 vәrәqә.

F.Mәmmәdov