08/08-25/749-1782
26 aprel 2001

 Naxçıvan  MR  Vergilәr  Nazirinә,  Bakı  şәhәri Baş Vergilәr İdarәsinin, şәhәr  vә  rayonlar üzrә vergilәr idarәlәrinin (şöbәlәrinin) rәislәrinә 
 

 Vergilәr Nazirliyinin Vergi siyasәti vә strateji araşdırmalar Baş İdarәsi  Vergi Mәcәllәsinә uyğun olaraq hesabatın verilmәsi müddәtinin uzadılması barәdә aşağıdakıları bildirir:
 Azәrbaycan Respublikasının Vergi Mәcәllәsinin 74.1-ci maddәsinә әsasәn hesabatın verilmә müddәti başa çatanadәk vergi ödәyicisi gәlir vergisinin vә ya mәnfәәt vergisinin hesabatının verilmәsi müddәtinin uzadılması barәdә müraciәt edirsә vә bu zaman ödәnilmәli olan verginin mәblәğini tamamilә ödәyirsә, hesabatın verilmәsi müddәti 3 ayadәk uzadılmış hesab olunur.
 Vergi ödәyicisi gәlir vergisinin vә ya mәnfәәt vergisinin hesabatının verilmәsi müddәtinin uzadılması barәdә rәsmi olaraq mәktubla vә ya әrizә ilә müraciәt edir. Mәktubda vә ya әrizәdә hesabatın verilmәsi müddәtinin uzadılması sәbәblәri, hesabat dövrü üzrә hesablanmış gәlir vergisinin vә ya mәnfәәt vergisinin mәblәği, onun tamamilә  ödәnilmәsi vә ya artıq ödәmәlәr hesabına nәzәrә alınması göstәrilir.
 Vergi Mәcәllәsinin 152.1-ci maddәsinә әsasәn vergi ödәyicilәri vergi ili üçün mәnfәәt vә ya gәlir vergisi hesabatının verilmәsinin müәyyәn edilmiş vaxtınadәk son hesablamanı aparmalı vә vergini ödәmәlidirlәr.
 Vergi ödәyicisi gәlir vergisini vә ya mәnfәәt vergisini Vergi Mәcәllәsinin 151-ci maddәsinin müddәalarına әsasәn cari ildә dörd dәfәyә avans şәklindә ödәdiyi halda da hesabatın verilmәsi müddәtinin uzadılması barәdә müraciәt edә bilәr. Cari vergi ilindә vergi ödәyicisinin gәliri әvvәlki illә müqayisәdә çox olduqda cari vergi ödәmәlәrinin mәblәği cari vergi ilindә gәlirin hәcmini onun keçәn ilin ümumi gәlirindә (gәlirdәn çıxılan mәblәğlәr nәzәrә alınmadan) verginin xüsusi çәkisini göstәrәn әmsala vurmaqla müәyyәnlәşdirilir.
 Əvvәlki vergi ilindә vergi ödәyicisinin gәlir vergisi vә ya mәnfәәt vergisi olmamışdırsa, vergi ödәyicisi cari vergi ilindә yaranan gәlirlәrindәn vergilәri hesablayıb ödәdikdәn sonra hesabatın verilmәsi müddәtinin uzadılması barәdә müraciәt edә bilәr.     
 Hesabatın verilmәsi müddәtinin uzadılması verginin ödәnilmәsi müddәtini dәyişdirmir.
 Uzadılmış müddәt başa çatdıqdan sonra verilәn hesabatlar üzrә hesablanmış verginin mәblәği ödәnilmiş mәblәğdәn artıq olduqda Vergi Mәcәllәsinin 74.2-ci maddәsinә әsasәn yaranan fәrq verginin ödәnilmәsinin son müddәti günündәn hesablanan  faizlәr nәzәrә alınmaqla büdcәyә keçirilmәlidir.
 Vergi ödәyicisi müddәtin uzadılması barәdә müraciәt etmәdikdә vә hesabat dövrü üzrә ödәnilmәli olan verginin mәblәğini  ödәmәdikdә hesabatın verilmәsi müddәti uzadılmır.

Vergi siyasәti vә strateji araşdırmalar Baş İdarәsinin rәisi                       A.Musayev