08/01-25/866-2093
14 may 2001

Naxçıvan MR Vergilәr Nazirinә, Bakı şәhәri Baş Vergilәr İdarәsinin, şәhәr  vә rayonlar üzrә vergilәr  idarәlәrinin (şöbәlәrinin) rәislәrinә

Vergilәr Nazirliyi ƏDV-nin mәqsәdlәri üçün qeydiyyata alınmağa dair Rabitә Nazirliyi sisteminә daxil olan vergi ödәyicilәrindәn daxil olmuş çoxsaylı sorğularla әlaqәdar aşağıdakıları bildirir:
Mәlum olduğu kimi, Rabitә Nazirliyinin tabeçiliyinә poçt, rabitә xidmәtlәri göstәrәn şәxslәr Rabitә Nazirliyi tәrәfindәn müәyyәnlәşdirilәn qiymәt vә tariflәr әsasında fәaliyyәt göstәrirlәr. Bu şәxslәrdәn hәr biri xidmәtin bir hissәsini hәyata keçirir vә bütövlükdә bu xidmәtlәr üzrә gәlir vә xәrclәr Rabitә  Nazirliyindә formalaşır.
Rabitә Nazirliyi sisteminә daxil olan vә poçt, rabitә xidmәti göstәrәn şәxslәrin әksәriyyәti ƏDV ödәyicisi olduğundan Nazirlik tәrәfindәn müәyyәnlәşdirilәn qiymәt vә tariflәrdә әlavә dәyәr vergisi nәzәrdә tutulur.
Vergi Mәcәllәsinin әlavә dәyәr vergisi barәdә XI fәslinin 171.1-ci maddәsinә әsasәn mallar göndәrilmәsinә, işlәr görülmәsinә vә ya xidmәtlәr göstәrilmәsinә yardımçı xarakter daşıyan mallar göndәrilmәsi, işlәr görülmәsi,  xidmәtlәr göstәrilmәsi onların bir hissәsi sayılır.
Eyni zamanda, Vergi Mәcәllәsinin 155.3-cü mәddәsinin müddәalarına әsasәn hüquqi şәxs yaratmadan sahibkarlıq fәaliyyәti göstәrәn şәxslәr Vergi Mәcәllәsinin  137-ci maddәsinә uyğun olaraq birgә fәaliyyәt göstәrdikdә vә iştirakçılardan biri ƏDV ödәyicisi olduğu halda qalan şәxslәr qeydiyyata alınmaq üçün әrizә vermәyә borcludur.
Yuxarıda göstәrilәnlәri nәzәrә alaraq bildiririk ki, Rabitә Nazirliyinin tabeçiliyindә olan, yaxud poçt, rabitә xidmәtlәrinin bir hissәsini hәyata keçirәn şәxslәr ƏDV-ә cәlb olunan әmәliyyatın bir hissәsinin hәyata keçirdiyindәn, gәlir vә xәrclәr Rabitә Nazirliyindә  formalaşdığından vә xidmәtin bir neçә mәrhәlәdә vә ya hissәdә göstәrilmәsinә baxmayaraq, tam xidmәt üzrә qiymәt vә tariflәr Rabitә Nazirliyi tәrәfindәn müәyyәnlәşdirildiyindәn vә bu qiyiәt vә tariflәrdә ƏDV nәzәrdә tutulduğundan, göstәrilәn şәxslәr vergi tutulan әmәliyyatlarının hәcmindәn asılı olmayaraq ƏDV ödәyicisi kimi qeydiyyata durmağa borcludur. 

Nazir
F.Mәmmәdov