Axtar
az|рус|eng
Sual - Cavab
"Sual-cavab" bölmәsi vasitәsilә hәr bir kәs vergi sistemi ilә bağlı maraqlandığı mövzuda mövcud sualları ilә bizә müraciәt edә bilәr

Sual-Cavab bazası üzrə axtarış

SİZİN SUAL

Sizi maraqlandıran suallarla bağlı Vergilәr Nazirliyinin 195 Çağrı Mərkəzinə dә müraciәt edә bilәrsiniz

Vergi Məcəlləsinə edilmiş dəyişikliklər suallar və cavablarda
"Sual-cavab" bölməsi vasitəsilə siz artıq verilən cavabları 5 ballıq sistemlə qiymətləndirə bilərsiniz. Qiymətləndirmə 2 formada aparılır:
1. “Sual-cavab” bölməsində istənilən suala verilən cavabla tanış olub, həmin cavabı qiymətləndirə bilərsiniz.
2. “Sual-cavab” bölməsinə sual göndərən şəxsin e-mail ünvanına məktub göndərilir və o, sualına verilən cavabı qiymətləndirə bilər.
      
Abbasova Səkinə İbad qızı, sakinaabbasova@gmail.com (17.05.2019) (Oxunub: 27 dəfə, ID: 18585)
Salam. Təhsil məzuniyyətinə gedən işçilərə hesablanmış məbləğdən gəlir vergisi tutulurmu?

Bildiririk ki, eyniməzmunlu müraciətiniz səhifəmizdə cavablandırılmışdır (24.04.2019, ID: 18456) .

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Fərhad Haqverdi Elşad, haqverdi1@gmail.com, Şəki (17.05.2019) (Oxunub: 21 dəfə, ID: 18584)
Salam. VÖEN-im var və xaricdə yerləşən hüquqi şəxsə (MMC tipli tərcümə şirkətinə) tərcümə xidməti göstərirəm. Hansı miqdarda vergi və sosial sığorta haqqı ödəməliyəm? İndidən təşəkkürlər!

Vergi qanunvericiliyinə əsasən xarici ölkələrdə yerləşən hüquqi və fiziki şəxslərə xidmət göstərən rezident fiziki şəxslərin sadələşdirilmiş vergi ödəyicisi olmaq hüququ olmadığından belə şəxslər vergi orqanında gəlir vergisinin ödəyicisi kimi qeydiyyata alınaraq hesabat ilində əldə etdiyi bütün gəlirlərini, o cümlədən ölkə hüdudlarından kənarda əldə etdiyi gəlirləri gəlir vergisi bəyannaməsində əks etdirərək müvafiq bəyannaməni hesabat ilindən sonrakı ilin mart ayının 31-dən gec olmayaraq vergi orqanlarına təqdim etməlidirlər.

1 yanvar 2019-cu il tarixdən gəlir vergisinin ödəyicisi kimi fəaliyyət göstərməlisiniz və gəlirlərdən xərclər çıxılmaqla 20 faiz gəlir vergisi ödəməlisiniz.

Eyni zamanda mikro sahibkarlıq subyekti olan fiziki və hüquqi şəxslərin sahibkarlıq fəaliyyətindən əldə etdikləri gəlirin (mənfəətin) 75 faizi mənfəət vergisindən azaddır.

Tikinti və ticarət istisna olmaqla digər sahələrdə fəaliyyət göstərən şəxslər fəaliyyət göstərdikləri ay üçün məcburi dövlət sosial sığorta haqqı Sosial sığorta haqqında Qanunun 2019-cu il yanvarın 1-dək qüvvədə olan müddəalarına uyğun olaraq, ölkə üzrə müəyyən olunmuş minimum aylıq əmək haqqının 20 faizi məbləğinin Bakı şəhərində 100 faizi, Sumqayıt və Gəncə şəhərlərində 90 faizi, respublika tabeli digər şəhərlərdə 80 faizi, rayon mərkəzlərində, digər şəhərlərdə və qəsəbələrdə 60 faizi, kənd yerlərində 50 faizi miqdarında sosial sığorta haqqı ödəməlidir. 2020-ci il yanvar ayının 1-dən isə bütün respublika ərazisində minimum aylıq əmək haqqının 25 faizi məbləğində sosial sığorta haqqı ödəməlidir.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


İlham Qasımov Ağamalı, ilham-70@mail.ru, Bakı (17.05.2019) (Oxunub: 17 dəfə, ID: 18583)
Mən yük daşıma fəaliyətiylə məşğul oluram. Hər ay yük daşımaqçün fərqlənmə nişanı alıram. Məcburi Sosial Sıgortanı ödəyirəm. Bilmək istəyərdim bundan başqa rüblük hesabat vermək lazımdırmı. Cavab gözləyirəm. Təşşəkur edirəm.

Bildiririk ki, beynəlxalq yük daşımaları istisna olmaqla ölkə daxilində yüklərin daşınmasını mülkiyyətində və ya istifadəsində olan avtonəqliyyat vasitələri ilə həyata keçirən şəxslər sadələşdirilmiş verginin ödəyiciləridirlər və xidmətin həyata keçirildiyi yerdən asılı olaraq hər bir avtomobil nəqliyyatı vasitəsi üçün hesablanmış sadələşdirilmiş vergini ödəməklə Nəqliyyat, Rabitə və Yüksək Texnologiyalar Nazirliyindən təqvim ayının sonunadək öz istəklərinə uyğun olaraq növbəti ay, rüb, yarım il və ya il üçün ciddi hesabat blankı olan “Fərqlənmə nişanı” almalıdırlar. Avtomobil nəqliyyatı vasitələri ilə sərnişin və yük daşımalarını həyata keçirən şəxslər hesablanmış vergini tam məbləğdə dövlət büdcəsinə ödədikdən sonra onlara "Fərqlənmə nişanı" verilir və bu fəaliyyətə görə vergi orqanlarına vergi bəyannaməsi verilməsi tələb olunmur.

Qeyd olunan şəxslər tərəfindən məcburi dövlət sosial və işsizlik sıgortası (işçisi olduğu halda) üzrə hesabatlar hesabat rübü başa çatdıqdan sonra növbəti ayın 20-dən gec olmayaraq Vergilər Nazirliyinin müəyyən etdiyi forma üzrə hesabatları vergi orqanına təqdim etməlidirlər.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


İbrahimova Rəna Seyran, rena78@bk.ru, Bakı (17.05.2019) (Oxunub: 19 dəfə, ID: 18582)
Hörmətli Vergilər Nazirliyi. Bizim şirkət turizm sahəsində fəaliyyət göstərir. Aviabiletlər ilə yanaşı olaraq turistlər üçün Respublika ərazisində sərnişin daşınma xidmətinin təşkilini (agent müqavilə əsasında) həyata keçirdirik. Yəni sərnişin nəqliyyat xidməti göstərən vergi ödəyiciləri ilə biz kommision əsasında müqavilə bağlamışıq. Turistlərdən aldığımız şərti olaraq 100 AZN tam olaraq sərnişin nəqliyyat xidməti göstərən vergi ödəyicilərinə köçürdürük. Hər ayın sonun göstərdiyimiz agent xidməti üçün 5% yəni 5 AZN məbləğində Elektron Qaimə Fakturanı sərnişin nəqliyyat xidməti göstərən vergi ödəyicilərinə təqdim edirik və onlar bizə həmin göstərdiyimiz xidmət üçün 5 AZN köçürdürlər. Xahiş: bizim şirkətin verigə cəlb olunan dövriyyəmiz 5 AZN olması haqqında ətraflı məlumat verəsiniz.

Bildiririk ki, sorğunuzda qeyd olunan vasitəçilik xidmətinin göstərilməsi, tərəflər arasında bağlanmış müqavilə və digər ilkin uçot sənədlər vasitəsilə təsdiqini tapdığı halda, əldə olunan gəlirlərdən xərclər çıxılmaqla 20 faiz dərəcə ilə vergiyə cəlb olunur.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Cabir Sultanov Mircabar, cabir.sultanov@gmail.com, Sumqayıt (17.05.2019) (Oxunub: 22 dəfə, ID: 18581)
Xahiş edirəm bu sualıma aydınlıq gətirəsiniz. Tərəflər arasında alğı-satqı müqaviləsi tərtib olunub, elektron qaimə təqdim olunub, lakin təhvil-təslim aktı rəsmiləşdirilməmişdir. 1. Təhvil-təslim aktı sərbəst formada tərtib oluna bilərmi və ya hökmən Maliyyə Nazirliyinin təsdiq etdiyi nümunəvi formada olmalıdırmı 2. Təhvil-təslim aktının rəsmiləşdirilməməsinə görə məsulyyət nəzərdə tutulurmu?

Cavab 1. Bildiririk ki, Ciddi hesabat blanklarını onlara oxşar rekvizitlərə malik olan, ciddi hesabat blankları sayılmayan ilkin uçot sənədləri ilə əvəz etmək yol verilmir.

Əlavə olaraq bildiririk ki, ciddi hesabat blanklarının forma və rekvizitləri qanunvericilikdə nəzərdə tutulmuş hallar istisna olmaqla Azərbaycan Respublikasının Maliyyə Nazirliyi tərəfindən təsdiq edilir. Odur ki, sorğunuzda qeyd edilmiş məsələ ilə əlaqədar olaraq ətraflı məlumat almaq üçün aidiyyəti üzrə müraciət etməyiniz tövsiyə edilir.

Cavab 2. Vergi Məcəlləsinin 58.8.2-ci maddəsində malların alışını təsdiq edən sənədlər dedikdə elektron qaimə-faktura və ya elektron vergi hesab-faktura, ciddi hesabat blankı olan “Malların alış aktı” və idxal gömrük bəyannaməsi nəzərdə tutulur. Malların mədaxilini təsdiq edən sənədlərin siyahısı isə iqtisadi fəaliyyət sahələri (topdansatış, istehsal, pərakəndə ticarət və ictimai-iaşə) üzrə vergitutma məqsədləri üçün gəlirlərin və xərclərin uçotunun aparılması qaydaları ilə müəyyən edilir.

Vergi Məcəlləsinin 58.8.2-ci maddəsində nəzərdə tutulan maliyyə sanksiyası yuxarıda qeyd olunan sənədlərdən ən azı biri olmadığı halda tətbiq olunur.

Əsas: Vergi Məcəlləsinin 58.8-ci maddəsi.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Namiq Cəbiyev Qulu, meshedi.namiq@mail.ru, Lənkəran (17.05.2019) (Oxunub: 16 dəfə, ID: 18580)
Salam. Rəhbərlik etdiyim "A.M.O." MMC-də Beynəlxalq yükdaşımalarda cəmiyyətin mülkiyyətində və istifadəsində olan müasir tipli evro-4 və evro-5 tipli refrejator yarımqoşqulardan və onlara qoşulmuş yəhərli dartıcılardan istifadə edilir. Qeyd edilən avtonəqliyyat vasitələri beynəlxalq yükdaşıma zamanı ayrı-ayrı xarici dövlətlərdə texniki nasazlıqlar səbəbindən əsaslı və cari təmir edilir. Bütün əməliyyatlar sifarişçi və icraçılar tərəfindən rəsmi təsdiqlənmiş elektron müqavilələr əsasında tənzimlənir. Görülmüş işlər icraçılar tərəfindən hesab-fakturalar (və ya invoyslar) əsasında bank vasitəsilə xarici valyutada icra olunur. Qeyd edilənləri nəzərə alaraq sizdən xahiş edirik: Sual 1.: Beynəlxalq yükdaşımalar zamanı müqavilə əsasında xarici dövlətlərdə yükdaşıma zamanı avtonəqliyyat vasitələrinin texniki və cari təmirinə görə bank vasitəsilə ödənilmiş vəsaitlərə görə Azərbaycan Respublikasının Vergi Məcəlləsinin 125.1.5-ci maddəsi (Ödəmə mənbəyində 10% vergi tutulması) tətbiq edilirmi? Sual 2.: Ödənilmiş vəsait elektron-qaimə və elektron vergi hesab-fakturası vasitəsilə rəsmiləşdirilməsi mümkün olmadığından qeyri-rezidentlərə, qeyri-rezidentlərin bank hesablarına təmir xərclərinə görə ödənilmiş vəsaitlər xərcə necə daxil edilir? Qeyd: Bütün əməliyyatlar xarici dövlətlərin ərazilərində yerləşən və həmin ərazilərdə fəaliyyət göstərən xarici dövlət təşkilatlarının texniki xidmət müəssisələrinin rəhbərləri tərəfindən təsdiq edilmiş müqavilələr, hesab-fakturalar (invoyslar) əsasında xarici valyutada icra edilir.

Cavab 1-2. Beynəlxalq yük daşıma xidmətləri üzrə fəaliyyətdən əldə edilən ümumi gəlirdən Vergi Məcəlləsi ilə müəyyən edilmiş qaydada gəlirin əldə edilməsi ilə bağlı çəkilən xərclər və icbari ödənişlər çıxıldıqdan sonra qalan məbləğdən mənfəət vergisi hesablanıb dövlət büdcəsinə ödənilir və “Mənfəət vergisinin bəyannaməsi” sonrakı ilin mart ayının 31-dən gec olmayaraq vergi orqanına təqdim edilir.

Sorğunuzda qeyd edilən halda qeyri-rezident tərəfindən göstərilən xidmətlərin müqabilində ödənilməli olan vəsaitdən rezident müəssisə 10 faiz dərəcə ilə ödəmə mənbəyində vergi tutmalıdır.

Xarici dövlətlərdə malların, işlərin, xidmətləri alışını təsdiq edən sənədlər qismində tərəflər arasında bağlanmış alğı-satqı müqavilələri, qaimələr, təhvil-təslim aktları, bank çıxarışları və digər ilkin-uçot sənədləri çıxış edir.

Əsas: Vergi Məcəlləsinin 104.1-ci, 108-ci, 125.1.5-ci, 149-cu maddələri.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Emin, e1000.huseynli@mail.ru, Bakı (17.05.2019) (Oxunub: 27 dəfə, ID: 18579)
Salam. MMC-nin təsisçisiyəm, eyni zamanda MMC-nin direktoruyam. Fiziki şəxs kimi özüm təsisçisi olduğum və direktoru olduğum MMC-yə borc verə bilərəm? Bu prosesi necə həyata keçirməliyəm və hansı sənədlə tənzimlənir ? (borc muqaviləsi,qərar) Zəhmət olmasa, qanunvericiliyə istinadən sorğumu cavablandırasınız.

Bildiririk ki, hüquqi şəxsin təsisçisi tərəfindən pul vəsaiti əvəzsiz olaraq hüquqi şəxsə verildikdə, bu zaman həmin pul vəsaitləri hüquqi şəxsin gəliri hesab olunmaqla satışdankənar gəlir kimi bəyan edilərək müvafiq qaydada vergiyə cəlb olunmalıdır.

Eyni zamanda bildiririk ki, hüquqi şəxslə onun təsisçisi mülki hüququn ayrı-ayrı subyektləri olmaqla vergitutma məqsədləri üçün qarşılıqlı surətdə asılı olan şəxslər sayılır. Təsərrüfat əqdləri qarşılıqlı surətdə asılı olan şəxslər arasında həyata keçirildikdə vergilərin hesablanması bazar qiyməti nəzərə alınmaqla həyata keçirilir.

Qeyd edilənlərə əsasən təsisçi tərəfindən müəssisəyə faizsiz verilmiş borc məbləğinə həmin borcun aid olduğu dövrdə eyni valyuta ilə oxşar müddətə verilmiş kreditlər üzrə faizlərin səviyyəsi nəzərə alınmaqla faizlər hesablanmalı və təsisçiyə ödənilən faiz məbləğlərindən ödəmə mənbəyində 10 faiz dərəcə ilə vergi tutulub dövlət büdcəsinə ödənilməlidir.

Borc müqaviləsinin bağlanması, xitam verilməsi Azərbaycan Respublikasının Mülki Məcəlləsi ilə tənzimlənir.

Əsas: Vergi Məcəlləsinin 14-cü, 18-ci110-cu maddələri, Mülki Məcəllənin 37-ci fəsili.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Tağıyev Emin Rabil, emintagizade85@gmail.com, Bakı (17.05.2019) (Oxunub: 16 dəfə, ID: 18578)
2010-cu il tarixdən müəssisəmizdə məcburi köçkün çalışır və “Gəlir vergisi”nə tətbiq olunan güzəştlərdən istifadə etmək üçün Azərbaycan Respublikası Qaçqınların və Məcburi Köçkülərin İşləri üzrə Dövlət Komitəsi tərəfindən hər il möhür vurulmaqla məcburi köçkün statusunu təsdiq edən vəsiqəni mühasibatlığa təqdim etmişdir. Lakin, 2019-cu ilin yanvar ayında təqdim edilmiş vəsiqədə 2017-2018-ci illər üzrə məcburi köçkün statusunun təsdiq edilməməsinə baxmayarq, 31 dekabr 2019-cu il tarixədək olan dövr üçün həmin status möhürlə təsdiq edilmişdir. Belə olan halda, həmin şəxsin 2017-2018-ci illər ərzində “Gəlir vergisi”nə tətbiq olunan güzəştlərdən istifadə etmək hüququnun olub-olmaması barədə məlumat verməyinizi xahiş edirəm.

Bildiririk ki, eyni məzmunlu müraciətiniz səhifəmizdə cavablandırılmışdır (24.04.2019, ID: 18479).

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Anar Səmədov, anar.samadov@gmail.com (17.05.2019) (Oxunub: 23 dəfə, ID: 18577)
Salam. Fiziki şəxs olaraq qeydiyyatdan keçmişəm. VÖEN - 2005315532 Qanun dəyişənə qədər sadələşdirilmiş vergi ödəyirdim. Hal hazırda vergi hesabatı verməliyəm bilmək istəyirəm mükəlləfiyyəti dəyişdirmək lazımdır yoxsa həmişəki qaydada vergi hesabatı göndərməliyəm? Qeyd edim ki, 5% vergi ödəmişəm rüb ərzində.

Vergi mükəlləfiyyətinizin fəaliyyətinizə uyğun olmadığı halda qeydiyyatda olduğunuz vergi orqanına vergi mükəlləfiyyətinin dəyişdirilməsi barədə sərbəst formada ərizə ilə müraciət etməlisiniz.

1 yanvar 2019-cu il tarixdən gəlir vergisi mükəlləfiyyəti aktiv olduğu halda, həmin dövr üçün sadələşdirilmiş vergi bəyannaməsi tələb edilmir.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Qədirov Sənan Qüdrət, Qəbələ (17.05.2019) (Oxunub: 24 dəfə, ID: 18576)
İcarədən gələn gəlirdən nə qədər vergi verilməlidir?

Bildiririk ki, fiziki şəxsə icarə haqqı vergi ödəyicisi kimi uçotda olan şəxslər tərəfindən ödənildikdə icarədən gəlirlər üzrə vergi öhdəliyi ödəmə mənbəyində (14 faiz dərəcə ilə) icarəyə götürən şəxslər tərəfindən yerinə yetirilir. Fiziki şəxsin gəlirləri yalnız icarədən olduğu halda vergi uçotuna alınmaq və bununla bağlı bəyannamə təqdim etmək öhdəliyi yaranmır.

İcarə haqqını ödəyən şəxs vergi ödəyicisi kimi uçotda olmadıqda isə icarəyəverən fiziki şəxs özü vergi ödəyicisi kimi vergi orqanında uçota alınmalı (VÖEN almalı) və bu fəaliyyətdən əldə etdiyi gəlirdən 14 faiz dərəcə ilə vergini hesablamalı, hesabat ilindən sonrakı ilin mart ayının 31-dən gec olmayaraq “Gəlir vergisinin bəyannaməsi”ni vergi orqanına təqdim etməklə həmin müddətdə də hesablanmış gəlir vergisinin məbləğini dövlət büdcəsinə ödəməlidir.

Əsas: Vergi Məcəlləsinin 99.3-cü, 124-cü149-cu maddələri.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Rəhmanov Anar Teymur, devetnameaz@gmail.com, Bakı (17.05.2019) (Oxunub: 16 dəfə, ID: 18575)
Salam. 2 sualım var. 1. Mən əhaliyə dəvətnamə, açıqca, suvenir və sairin pərkandə satışı ilə əlaqədar olan dükan işlədirəm. Sadələşdirilmiş vergi ödəyicisiyəm. Bu il Novruz bayramı ilə əlaqədar digər hüquqi şəxsə təbrik açıqcası satmışam və onlar vəsaiti bank vasitəsilə köçürüblər. Bu halda mənə Vergilər Məcəlləsinin 218.5.10.-cu maddəsi şamil olunmalıdırmı? Bu maddədə söhbət xidmət göstərilməsindən gedir lakin mən satış etmişəm. Ümumiyyətlə bu məsələ necə tənzimınir? Mən bir dəfə qeyri-əhaliyə satış etdiyim üçün avtomatik sadələşdirilmişdən çıxamlıyyammı? 2. Aylar üzrə nağd formada banka ödədiyim dövlət sosial müdafiə ödənişləri şəxsi vərəqəmdə sosial üzrə bölüşdürülməmiş məbləğ kimi görünür. (300 manata yaxın) Eyni zamanda sosial ödənişlər üzrə borcum görsənir. Həmin bölüşdürülməmiş məbləğin borclarıma silinməsi üçün nə etməliyəm? ( VÖEN: 1004053272)

Cavab 1. Bildiririk ki, Vergi Məcəlləsinin 218.5.10-cu maddəsinə əsasən vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslərin sadələşdirilmiş vergi ödəyicisi olmaq hüququ yoxdur. Göründüyü kimi qeyd olunan maddədə vergi ödəyicisi tərəfindən digər vergi ödəyicilərinə xidmət göstərilməsi halları nəzərdə tutulur.

Eyni zamanda Vergi Məcəlləsinin 218.5.9-cu maddəsinə əsasən topdansatış ticarət fəaliyyəti qaydasında malların təqdim edilməsini həyata keçirən şəxslərin də 1 yanvar 2019-cu il tarixdən   sadələşdirilmiş vergi ödəyicisi olmaq hüququ yoxdur.

Vergitutma məqsədləri üçün topdansatış - malların alıcıya satışının (təqdim edilməsinin) onun sahibkarlıq fəaliyyəti məqsədləri üçün və yalnız bu Məcəllədə müəyyən edilmiş qaydada elektron-qaimə faktura və ya elektron vergi hesab-faktura təqdim edilməklə həyata keçirilməsi üzrə ticarət fəaliyyəti hesaba olunur.

Cavab 2. Sosial sığorta haqqı üzrə ödənilmiş vəsaitlər vergi ödəyicisi tərəfindən hesabatlar təqdim olunan zaman aidiyyatı borclar üzrə silinir. Ödənişlər düzgün təsnifat kodu ilə ödənilmədiyi halda uçotda olduğunuz vergi orqanına ödənişlərin təsnifat kodlarına düzəliş edilməsi üçün müraciət etməyiniz tövsiyə olunur.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Elvin İsmayılov, elvinismayil841@gmail.com, Zaqatala (17.05.2019) (Oxunub: 14 dəfə, ID: 18574)
DSMF 2019-cu il 1-ci rüb hesabatı əzdindəki sığortaeden və ya sığortaolunanların maaşlarının cəminin 25% dərəcədə vergi hesabı göstərilir (sığortaolunanlar barədə məlumat bölməsində ) məsələn; 736 manat maaş alan rüb ərzində sığortaeden üçün 184 AZN vergi məbləği göstərilmişdir. Amma rüb ərzində 736 manat əmək haqqı üçün 142 manat vergi məbləği tutulmuşdur bu barədə məlumat verərdiz.

Sorğunuzda Neft-qaz sahəsində fəaliyyəti olmayan və qeyri-dövlət sektoruna aid edilən sığortaedənlər üzrə işçinin əməkhaqqının 736 manat olduğu qənaətinə gələrək bildiririk ki, qeyd olunan halda sığortaedən üzrə 124,40 manat (200*22% +536*15%), sığortaolunanın üzrə isə 59,60 manat (200*3% + 536*10%) məcburi dövlət sosial sığorta haqqı hesablanmalıdır.

Hesabat təqdim olunan zaman texniki və ya digər yardımın göstərilməsi üçün uçotda olduğunuz vergi orqanı üzrə fəaliyyət göstərən vergi ödəyicilərinə xidmət mərkəzlərinə və ya Vergilər Nazirliyinin Çağrı Mərkəzinə (195-1) müraciət etməyiniz tövsiyyə olunur.

Əsas: "Sosial sığorta haqqında" Azərbaycan Respublikasının 18 fevral 1997-ci il tarixli 250-IQ nömrəli Qanununun 14.4-cü maddəsi.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Murad Əhmədli Əsgər, murad.ahmadli@gmail.com, Bakı (17.05.2019) (Oxunub: 15 dəfə, ID: 18573)
Salam. Xahiş edirəm aşağıda misalla göstərilmiş sualları mümkün qədər izahlı cavablandırasınız. Əvvəlcədən təşəkkür edirəm. Misal-1. Fərdi Sahibkar olaraq çap xidməti və müvafiq malların satışı ilə məşğul oluram. Xidmət göstərdiyim və mal satdığım şəxslər həm vergi uçotunda olmayan əhali, həm də vergi ödəyicisi kimi qeydiyyatda olan Fərdi Sahibkar və ya hüquqi şəxslərdir. Bu halda Sadələşdirilmiş vergi ödəyicisi ola bilərmi? Belə fəaliyyət növü VM-nin hansı Maddəsi ilə tənzimlənir? Misal-2. Ölkədə fəaliyyət göstərən mobil telefon operatorlarına məxsus danışıq kartlarını “A” şirkətindən Nominal dəyərlə (yəni kartın üzərində qeyd olunan qiymətə) Malların Təhvil-Qəbul Aktı əsasında alıram. Müqaviləyə əsasən aldığım malın dəyərinə görə mənə müvafiq komisyon (xidmət) haqqı hesablanıb ödənilir. Mən də, həmin danışıq kartlarını nominal (yəni kartın üzərində qeyd olunan) qiymətə vergi ödəyicisi kimi vergi orqanında uçotda olmayan şəxslərə (əhaliyə) səyyar şəkildə satıram. Bildiyim kimi bu halda vergiyə cəlb olunan məbləğ mənə ödənilən komisyon (xidmət) haqqıdır. Sualım odur ki, ardıcıl 12 aylıq dövrün istənilən ayında (aylarında) vergi tutulan əməliyyatlarımın həcmi 200.000 manat və ondan az olan halda vergiləri hansı qaydada ödəməliyəm və sadələşdirilmiş vergi ödəyicisi ola bilərəmmi? Təsərrüfat obyekti olmadığı üçün səyyar şəkildə satıldığı halda Kassa aparatı istifadə etməmək olarmı?

Cavab 1. Vergi Məcəlləsinin 1 yanvar 2019-cu il tarixdən qüvvəyə minmiş müddəalarına əsasən topdansatış ticarət fəaliyyəti qaydasında malların təqdim edilməsini həyata keçirən şəxslərin, vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslərin sadələşdirilmiş verginin ödəyicisi ola bilməz.

Buna əsasən fərdi sahibkar kimi digər hüquqi şəxslərə xidmət göstərdiyinizi nəzərə alaraq sizin sadələşdirilmiş verginin ödəyicisi olmaq hüququnuz olmadığından 1 yanvar 2019-cu il tarixdən gəlir vergisinin ödəyicisi kimi fəaliyyət göstərməlisiniz və gəlirlərdən xərclər çıxılmaqla 20 faiz gəlir vergisi ödəməlisiniz.

Eyni zamanda mikro sahibkarlıq subyekti olan fiziki və hüquqi şəxslərin sahibkarlıq fəaliyyətindən əldə etdikləri gəlirin (mənfəətin) 75 faizi mənfəət vergisindən azaddır.

Cavab 2. Vasitəçilik xidmətləri ilkin sənədlərlə (komissiya müqaviləsi, təsərrüfat əqdlərinin həyata keçirilməsi ilə bağlı ödəmə sənədləri, hesab fakturalar, malların göndərilməsini və alınmasını təsdiq edən digər sənədlərlə) təsdiq edildiyi halda agentin gəliri onun digər şəxsdən almalı olduğu (aldığı) haqdır (mükafatdır). Əks halda aparılmış əməliyyatlar agentin əməliyyatları hesab edilməklə tam məbləğdə müvafiq vergilərə cəlb olunur. Bu halda da, digər vergi ödəyicisinə vasitəçilik xidmətləri göstərildiyi üçün vergi ödəyicisinin sadələşdirilmiş vergi ödəyicisi olmaq hüququ yoxdur.

Eyni zamanda səyyar, bazarlarda və digər kütləvi ticarət yerlərində piştaxtadan, avtomobildən və qoşqu vasitələrindən pərakəndə satış fəaliyyəti zamanı NKA tətbiqi tələb olunmur, bu zaman malların alıcısına ciddi hesabat blankı olan mədaxil qəbzi təqdim edilməlidir.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Əliyev Ağadədə Nəzərəli, aga1aliyev@gmail.com, Astara (17.05.2019) (Oxunub: 21 dəfə, ID: 18572)
Salam, sizdən bir söz soruşmaq istəyirəm, mənim adıma möhür götürülüb və mən o möhürün adını kodunu bilirəm, onu necə bağlaya bilərəm?

Bildiririk ki, fəaliyyətinin müvəqqəti dayandırılması üçün vergi ödəyicisi tərəfindən uçotda olduğu vergi orqanına Vergi ödəyicisinin, onun filialının, nümayəndəliyinin və ya digər təsərrüfat subyektinin (obyektinin) fəaliyyətinin və digər vergi tutulan əməliyyatlarının dayandırılması haqqında arayış təqdim edilməlidir. Arayışda sahibkarlıq fəaliyyətinin və ya digər vergi tutulan əməliyyatların dayandırılmasının müddəti göstərilməlidir.

Vergi ödəyicisinin gücləndirilmiş elektron imzası (o cümlədən Asan İmzası) və ya istifadəçi kodu, parol və şifrəsi olduqda Vergilər Nazirliyinin İnternet Vergi İdarəsi portalı üzərindən hüquqi şəxsin fəaliyyətinin onlayn rejimdə dayandırılması mümkündür.

Bu barədə ətraflı məlumatı səhifəmizin “E-Xidmətlər” bölməsindəki Hüquqi şəxsin fəaliyyətinin onlayn dayandırılması elektron xidməti üzrə inzibati reqlament vasitəsilə əldə edə bilərsiniz.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Sevinc Abasova (17.05.2019) (Oxunub: 13 dəfə, ID: 18571)
Salam. Belə bir sualım var, DSMF ödənişləri Verglər Nazirliyinin nəzarəti altına keçdikdən sonra keçmiş (2017-2018) illərdə DSMF ödənişləri nəzərə alınmır, və hesaba sərəncam qoyulur. Həmçinin 2019 cu ildən DSMF departamentləri fərqlidir. Əgər öncədən məsələn Sabirabad ödəniş edilirdisə indi gpp.az saytına əsasən Şirvana ödəniş olunmalıdır. Dəqiqləşdirmək istəyirdim, öncəki illərdə digər DSMF departamentinə (məsələn Samux DSMF) edilən ödənişlər indi nəzərə alınmır? Öncədən təşəkkürlər.

Məlum olduğu kimi, Azərbaycan Respublikası Prezidentinin 21 dekabr 2018-ci il tarixli 421 və 422 nömrəli Fərmanlarına əsasən məcburi dövlət sosial sığorta və işsizlikdən sığorta haqlarının hesablanmasına və ödənilməsinə nəzarət 1 yanvar 2019-cu il tarixdən etibarən Vergilər Nazirliyinə həvalə edilmişdir.

Bildiririk ki, vergi ödəyicilərinin vergi orqanlarında olan şəxsi hesab vərəqələrinə  məcburi dövlət sosial sığorta və işsizlikdən sığorta haqları üzrə 1 oktyabr 2018-ci il tarixə borc və artıq ödəmələr barədə müvafiq məlumatlar, eləcə də 1 oktyabr 2018-ci il tarixdən 31 dekabr 2018-ci il tarixə qədər olan ödənişlər Əmək və Əhalinin Sosial Müdafiəsi Nazirliyi tərəfindən təqdim edilmiş məlumatlara əsasən daxil edilmişdir. 

Vergi ödəyiciləri qeydiyyatda olduqları vergi orqanları üzrə müəyyən edilmiş Dövlət Sosial Müdafiə Fondunun yerli orqanlarının rekvizitlərinə vəsaitləri köçürməlidirlər. Rekvizitlər Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu ilə razılaşdırılmışdır.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Şərif Əliyev Məhəmmədəli, aliyev.serif@mail.ru, Sumqayıt (17.05.2019) (Oxunub: 18 dəfə, ID: 18570)
Mənim bu sualıma cavab verməyinizi sizdən xahiş edirəm. Belə ki, ƏDV ödəyicisi olan fiziki şəxs, digər firmadan ƏDV-dən azad olunmuş 2500 manat məbləğində mal (UN) alıb pərakəndə ticarət şəbəkəsində satır.Bu una görə ƏDV necə hesablanmalıdır və neçə faizlə. ƏDV bəyannaməsi tərtib olunarkən ƏDV-dən azad olunan məbləğ necə göstərilməlidir. Əvvəlcədən Sizə öz minnətdarlığımı bildirirəm.

Oxşar məzmunlu müraciətiniz 16.03.2019-cu il tarixdə səhifəmizdə cavablandırılmışdır (ID: 18172)

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Nemət Ağalarov Musa, nemet_agalarov@mail.ru, Abşeron (17.05.2019) (Oxunub: 20 dəfə, ID: 18569)
Salam, 23.04.2019-cu il tarixdə mənim hesabımdan saat 18:11-də 1.00 AZN (transaction code for PC charge), outgoing customer TRF. LCY (XOHK) 5.64 AZN çıxılmışdır, bunun səbəbini mənə izah ede bilərsinizmi? 3101034202 mənim VÖEN

Sorğunuzda qeyd olunanlarla bağlı  müraciətinizin araşdırılması üçün qeydiyyatda olduğunuz vergi orqanına müraciət etməyiniz tövsiyə olunur.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Bəxtiyar Musayev Nadir, bakhtiyarmusaev@mail.ru, Bakı (17.05.2019) (Oxunub: 17 dəfə, ID: 18568)
1.Salam. Bu gün Bakı şəhəri, Nərimanov rayonu, Qarabağ küçəsi və Əhmədbəy Agaoğlu küçəsinin kəsişməsində yerləşən mağazadan şirniyyat və kassa çeki (fiskal) almaq istədim, lakin kassa çeki vermədilər və hətta kimlərəsə haqq verdiklərini deyərək kobudluq da etdilər. Niyə? Bununla bağlı müvafiq tədbir görülməsini və onların Azərbaycan Respublikasının Vergi Məcəlləsinin 58-ci maddəsinin müvafiq bəndlərinə (dövriyyə gizlətdiklərinə görə digər bəndlərə görə də) uyğun olaraq maliyyə sanksiyasının tətbiq olunmasını tələb edirəm. Həm də bir istehlakçı olaraq məni aldatmaq istədiklərinə görə də cəzalandırılmalarını tələb edirəm. Bu işlə əlaqədar sübut üçün həmin mağazanın qanun pozuntusunun yenidən aşkarlanmasında iştirak etməyə hazıram.
2.Niyə Dövlət büdcəsindən gəlirlərini gizlədən istər sahibkarlıq fəaliyyəti ilə məşğul olan (və ya digər) fiziki, istərsə də hüquqi şəxslər cəzalandırılmırlar? Niyə onlara maliyyə sanksiyaları təqbiq olunmur. Niyə Bakı şəhərində istehlakçı kassa çeki istəndikdə nalayiq hallarla qarşılaşır. Bu hallara qarşı niyə müvafiq tədbirlər görülmür, vergidən yayınan şəxslər niyə öz sahibkarlıq fəaliyyəti ilə məşğul olduqları ərazilərdə "at oynadırlar"? Hövsan qəsəbəsinin bir çox apteklərində ümumiyyətlə kassa çeki istəyəndə heç vermirlər. "Kassa aparatı təmirdədir" deyib (əslində fikirləşdikləri özləridir, çünki, qanunla satış vəsaitləri saatıyla kitaba qeyd olunmalı, kassa aparatı gəldikdən sonra işləm görməlidirlər) başdan edirlər (özlərini ələ salırlar). Bununla bağlı müvafiq tədbirlərin görülməsini sizdən xahiş edirəm.

Bildiririk ki, “Sual-Cavab” rubrikasının məqsədi vergi qanunvericiliyi və inzibatçılığı sahəsində fiziki və hüquqi şəxslərin məlumatlandırılması və maarifləndirilməsi məqsədi ilə onların elektron müraciətlərinin cavablandırılması prosesini əhatə edir.

Vergilər Nazirliyi tərəfindən mütəmadi olaraq vergidən yayınma hallarına qarşı vergi nəzarəti tədbirləri həyata keçirilir.

Vergi orqanı mənbəyi bəlli olan və təsdiqlənmiş məlumatlar əsasında vergidən yayınan şəxsə qarşı mövcud qanunvericilikdə nəzərdə tutulan məsuliyyət tədbirləri görə bilər.

Bu baxımdan, qeyd olunan hallar vergi orqanı tərəfindən araşdırılır və şəxsin vergidən yayınmaya yol verdiyi hallar sübuta yetirildikdə vergi orqanı tərəfindən müvafiq tədbirlər görülür.

Sorğunuzda qaldırılan, qarşılaşdığınız vergidən yayınma və vergi qanunvericiliyinin pozulması faktları barədə ətraflı məlumatla qeyri-anonim olaraq saytımızın “Müraciətlər” bölməsinin “Onlayn müraciətlər” alt bölməsinə, Vergilər Nazirliyinin Çağrı Mərkəzinə (195-1) və ya vergi ödəyicilərinə xidmət mərkəzlərinə müraciət edə bilərsiniz.

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Elvin Yaqub, elvinyaqub@yahoo.com, Bakı (17.05.2019) (Oxunub: 11 dəfə, ID: 18617)
Salam. Bu ilin əvvəlindən başlayaraq fiziki şəxs olan istehlakçılar tərəfindən Azərbaycanda pərakəndə ticarət və ya ictimai iaşə fəaliyyəti göstərən şəxslərdən alınmış mallara (neft və qaz məhsulları istisna olmaqla) görə ödənilmiş ƏDV-nin nağdsız ödəmələr üzrə 15%, nağd ödənişlər üzrə isə 10%-i geri qaytarılmalıdır. Dəyişikliklər yanvarın 1-dən qüvvəyə minsə də, vətəndaşlar verginin onlara çatan hissəsini bir neçə aydan sonra alacaq. Vergilər Nazirliyindən bildirilmişdi ki, Vergi Məcəlləsinə dəyişikliklərin qüvvəyə minməsi ilə bağlı Prezidentin fərmanında bu məsələ 1.1.14-cü bənddə əksini tapıb. Həmin maddədə Nazirlər Kabinetinə tapşırılır ki, vergilərin geri qaytarılması, daha dəqiqi fiziki şəxs olan istehlakçılar tərəfindən Azərbaycan Respublikasının ərazisində pərakəndə ticarət və ya ictimai iaşə fəaliyyəti göstərən şəxslərdən alınmış mallara (neft və qaz məhsulları istisna olmaqla) görə ödənilmiş ƏDV-nin qaytarılması qaydasının layihəsini hazırlayıb Azərbaycan Respublikasının Prezidentinə təqdim etsin. Başqa sözlə, bu qaydalanın hazırlanması üçün Nazirlər Kabinetinə 3 ay vaxt verilib. Artıq apreldir, 3 ay geridə qalıb. Bəs bu məsələ nə yerdə qalıb? İçi mən daxil, fiziki şəxs olan istehlakçılar geriqaytarmanı haradan əldə etməliyik?

Vergi Məcəlləsinin 165.5-ci maddəsinə əsasən fiziki şəxs olan istehlakçılar tərəfindən Azərbaycan Respublikasının ərazisində pərakəndə ticarət və ya ictimai iaşə fəaliyyəti göstərən şəxslərdən alınmış mallara (neft və qaz məhsulları istisna olmaqla) görə ödənilmiş ƏDV-nin qaytarılması qaydasını müvafiq icra hakimiyyəti orqanının müəyyən etdiyi orqan (qurum) müəyyən edir. Bu maddəyə uyğun olaraq qaytarılan məbləğ nağdsız qaydada ödənilmiş ƏDV-nin 15 faizini, nağd qaydada ödənilmiş ƏDV-nin 10 faizini təşkil edir. Ödənilmiş ƏDV-nin bu maddə ilə müəyyən olunmuş hissəsinin qaytarılması zamanı təqdim edilən nəzarət-kassa aparatının çeki bu Məcəllənin 50.8-ci maddəsinin tələblərinə cavab verməlidir. Buna əsasən qeyd olunan qaydalar təsdiq edildikdən sonra pərakəndə ticarət və ya ictimai iaşə fəaliyyəti göstərən şəxslərdən alınmış mallara görə ödənilmiş ƏDV məbləğinin qaytarılması həyata keçirilə bilər. Həmçinin qeyd etmək istərdik ki, ƏDV məbləğinin qaytarılması prosesi Azərbaycan Respublikası Vergilər Nazirliyinin elektron informasiya sisteminə real vaxt rejimində qoşulmalı olan “Nəzarət-kassa aparatlarının tətbiqi Qrafiki”nə uyğun olaraq Respublika ərazisində tətbiqinə başlandıqdan sonra nəzərdə tutulmuşdur.

 

Ümumi qiymətlərin sayı: 0    Orta qiymət: 0

Yekun qiymət  



Terminlər lüğəti | Facebook | Twitter | Youtube | Instagram


Ağayev Rüstəm, rustamagayev@gmail.com (10.05.2019) (Oxunub: 236 dəfə, Orta qiymət: 4.43, ID: 18567)
Salam. Sualım daşınmaz əmlakın satışı zamanı tutulan vergi barəsindədir. Əgər mən hər hansısa mənzili (yaşayış sahəsini) ailə üzvümdən hədiyyə almışamsa və indi həmin mənzili satıramsa məndən mənzilin satışı zamanı vergi tutulacaqdırmı? Təşəkkür edirəm!

Bildiririk ki, fiziki şəxsin azı 5 il ərzində yaşayış yeri üzrə qeydiyyatda olduğu yaşayış sahələrinin təqdim edilməsi ödəmə mənbəyində sadələşdirilmiş vergiyə cəlb edilmir. Lakin mülkiyyətinizdə olan və 5 ildən az yaşayış yeri üzrə qeydiyyatda olduğunuz yaşayış sahəsi təqdim edilən zaman müqaviləni təsdiq edən notariuslar tərəfindən ödəmə mənbəyində sadələşdirilmiş vergi tutulur.

Eyni zamanda qeyd olunmalıdır ki, fiziki şəxs tərəfindən ailə üzvü olan şəxsə daşınmaz əmlakın təqdim olunması vergi öhdəliyini yaratmır.

Verginin məbləği satılan mənzilin sahəsinin hər kvadratmetrinə 15 manat Nazirlər Kabineti tərəfindən müəyyən olunmuş  əmsalın tətbiq edilməsi ilə müəyyən olunur.

Mülkiyyətində olan yaşayış və qeyri-yaşayış sahələrini təqdim edən şəxslər üçün saytımızda Mülkiyyətində olan yaşayış və qeyri-yaşayış sahələrini təqdim edən şəxslər üçün ödəmə mənbəyində tutulan sadələşdirilmiş vergi məbləğinin hesablanması kalkulyatoru yerləşdirilmişdir.

Bax: Vergi Məcəlləsinin 218.4.3-cü, 220.8-ci maddələri.

Ümumi qiymətlərin sayı: 7    Orta qiymət: 4.43

Yekun qiymət  



Terminlər lüğəti | Facebook | Twitter | Youtube | Instagram


Vüqar Ələkbərov Telman, Ağsu (10.05.2019) (Oxunub: 220 dəfə, Orta qiymət: 3.86, ID: 18566)
Salam mən bilmək istəyirəm ki, VÖEN-lə mal alıb kənd maqazinlərə mal paylamaq istəyirəm, mən elektron qaiməsiz nece olar ki, mal verim onlar malı ədədlə alır məs-3man -8 man mən elektron qaimədə görə mal sata bilmirəm, bu barədə köməklik edəsiz.

Vergi Məcəlləsinin  16.1.11-6.1-ci, 16.1.11-6.2-ci, 16.1.11-6.3-cü maddələrində sadalanan şəxslər istisna olmaqla, digər şəxslər tərəfindən sahibkarlıq fəaliyyətini həyata keçirən hüquqi və fiziki şəxslərə malların (işlərin, xidmətlərin) təqdim edilməsi ilə bağlı bu Məcəllədə nəzərdə tutulmuş qaydada elektron qaimə-faktura vermək bütün vergi ödəyicilərinin vəzifələrinə aid edilmişdir.

Həmçinin, elektron qaimə-faktura və ya elektron vergi hesab-fakturası təqdim edilməli olduğu halda malların elektron qaimə-faktura və ya elektron vergi hesab-fakturası verilmədən təqdim edilməsinə görə - malları təqdim edən şəxsə təqvim ili ərzində belə hala birinci dəfə yol verdikdə təqdim edilmiş malların satış qiymətinin 10 faizi, ikinci dəfə yol verdikdə 20 faizi, üç və daha çox dəfə yol verdikdə 40 faizi miqdarında maliyyə sanksiyası tətbiq edilir.

Əsas: Vergi Məcəlləsinin 16.1.11-6-cı, 71-1-ci, 58.13-cü maddələri və Azərbaycan Respublikası Nazirlər Kabinetinin 14 mart 2017-ci il tarixli 89 nömrəli Qərarı ilə təsdiq edilmiş “Elektron qaimə-fakturanın tətbiqi, uçotu və istifadəsi Qaydaları”.

Ümumi qiymətlərin sayı: 7    Orta qiymət: 3.86

Yekun qiymət  



Terminlər lüğəti | Facebook | Twitter | Youtube | Instagram


Vuqar Kazımov, k.vuqar400@gmail.com, Bakı (10.05.2019) (Oxunub: 144 dəfə, Orta qiymət: 5, ID: 18565)
Salam. Fiziki şəxs olan sadələşmiş vergi ödəyicisi vergi ödəyicisi olmayan bir şəxsin sifarişi əsasında hər hansı bir malı xarici ölkədən gətirir və alğı-satqı müqavilə əsasında ona satır, pulunu da nəğd olaraq alır. Mallar idxal olunarkən bütün gömrük rüsumları və vergilər mal gətirən tərəfindən ödənilir. Bu əməliyyat birdəfəlik xarakter daşıyır, gələcəkdə təkrarlanmayacaq və dövriyyənin dəyəri 200 000 manatıdan xeyli aşağıdır. Bunun üçün satan vergi ödəyicisi hansı işləri həyata keçirməlidir və hansı faizlə vergi ödəməlidir?

Bildiririk ki, qeyd etdiyiniz halda vergi ödəyicisi əldə etdiyi gəlirlərə görə 2 faiz dərəcə ilə sadələşdirilmiş vergini ödəməli və rüb başa çatdıqdan sonra növbəti ayın 20-dən gec olmayaraq vergi orqanına bəyannamə təqdim etməlidir.

Əsas: Vergi Məcəlləsinin 219.1-ci, 221.3-cü maddələri.

Ümumi qiymətlərin sayı: 4    Orta qiymət: 5

Yekun qiymət  



Terminlər lüğəti | Facebook | Twitter | Youtube | Instagram


Abayev Yusif Qəşəm, yusifabyev@mail.ru, Quba (10.05.2019) (Oxunub: 158 dəfə, Orta qiymət: 4.8, ID: 18564)
103 manat marketing xidməti (xidməti müqavilə əsasında) üzrə əmək haqqı alan fiziki şəxs hansı növ vergi ödəyicisidir və ödəniləcək vergi neçə hesablanacaq.

Vergi Məcəlləsinin 1 yanvar 2019-cu il tarixdən qüvvəyə minmiş müddəalarına əsasən vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslərin sadələşdirilmiş vergi ödəyicisi olmaq hüququ yoxdur. Buna əsasən sahibkarlıq fəaliyyəti subyektlərinə xidmət göstərən şəxslər gəlir vergisinin ödəyicisi kimi əldə olunan gəlirlərdən xərclər çıxıldıqdan sonra 20% dərəcə ilə gəlir vergisi ödəməklə fəaliyyət göstərir.

O da nəzərə alınmalıdır ki, 1 yanvar 2019-cu ildən mikro sahibkarlıq subyektlərinin gəlirlərinin 75 faizi gəlir vergisindən azaddır.

Əsas: 102.1.30-cu218.5.10-cu maddələri.

Ümumi qiymətlərin sayı: 5    Orta qiymət: 4.8

Yekun qiymət  



Terminlər lüğəti | Facebook | Twitter | Youtube | Instagram


Bayramova Sumarə Xalid, muhasib145@rambler.ru, Bakı (10.05.2019) (Oxunub: 159 dəfə, Orta qiymət: 4.5, ID: 18563)
Xahiş edirəm izah edəsiniz, Fərdi sahibkarın minimal əmək haqqından hesablanan məcburi sosial sığorta haqqı xərclərə aiddirmi və aiddirsə "Gəlir vergisinin bəyannaməsi"nin hansı sətrində əks etdirilməlidir?

Bildiririk ki, gəlirdən çıxılmayan xərclərdən başqa, gəlirin əldə edilməsi ilə bağlı olan bütün xərclər, həmçinin qanunla nəzərdə tutulmuş icbari ödənişlər gəlirdən çıxılır.

Bu baxımdan da, fərdi sahibkarlıqla məşğul olan şəxsin “Sosial sığorta haqqında” Azərbaycan Respublikasının qanununa əsasən ödədiyi məcburi sosial sığorta ayırmaları gəlirdən çıxıla bilər.

Qeyd olunan xərclər gəlir vergisinin “Sosial sığorta haqqları” sətrinin xanalarında qeyd olunur.

Əsas: Vergi Məcəlləsinin 108-ci maddəsi.

Ümumi qiymətlərin sayı: 2    Orta qiymət: 4.5

Yekun qiymət  



Terminlər lüğəti | Facebook | Twitter | Youtube | Instagram


Asəf Kərimov Kərim, asefkerimov@yahoo.com (10.05.2019) (Oxunub: 111 dəfə, Orta qiymət: 5, ID: 18562)
Psixoloq kimi müxtəlif QHT-lərlə işləyir, eyni zamanda fərdi qaydada psixokonsultasiyalar həyata keçirirəm. İndiyə qədər 4% olmaqla sadələşdirilmiş vergi ödəyicisi olmuşam. 20 aprelə qədər online sadələşdirilmiş vergi hesabatı göndərməliyəm. hazırda verginin hesablanması zamanı 2% vergi tutulması səhifədə görünür. Digər kolleqalarımın dediyinə görə biz VÖEN olan təşkilat və şəxslərlə işlədiyimiz üçün biz artıq sadələşdirilmi vergi ödəyicisi ola bilmərik və aprel ayının 15-nə qədər vergi bəyənnaməsi göndərməliyik. Hansı addımları atmalıyam. Lütfən məlumat verin.

Vergi Məcəlləsinin 1 yanvar 2019-cu il tarixdən qüvvəyə minmiş müddəalarına əsasən vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslər sadələşdirilmiş verginin ödəyicisi ola bilməz. Buna əsasən fərdi sahibkar kimi digər hüquqi şəxslərə xidmət göstərdiyinizi nəzərə alaraq sizin sadələşdirilmiş verginin ödəyicisi olmaq hüququnuz olmadığından 1 yanvar 2019-cu il tarixdən gəlir vergisinin ödəyicisi kimi fəaliyyət göstərməlisiniz və gəlirlərdən xərclər çıxılmaqla 20 faiz gəlir vergisi ödəməlisiniz.

Eyni zamanda mikro sahibkarlıq subyekti olan fiziki və hüquqi şəxslərin sahibkarlıq fəaliyyətindən əldə etdikləri gəlirin (mənfəətin) 75 faizi mənfəət vergisindən azaddır.

Vergi mükəlləfiyyətinizin fəaliyyətinizə uyğun olmadığı halda qeydiyyatda olduğunuz vergi orqanına vergi mükəlləfiyyətinin dəyişdirilməsi barədə sərbəst formada ərizə ilə müraciət etməlisiniz.

Bildiririk ki, gəlir vergisi üzrə hesabat dövrü il olduğu üçün bəyannamələr illik formada hesabat ilindən sonrakı ilin mart ayının 31-dən gec olmayaraq təqdim edilir.

Cari vergi ödəmələri isə rüb başa çatdıqdan sonra 15 gün ərzində ödənilməli, rüb ərzində mənfəətdən və ya gəlirdən hesablanmış cari vergi məbləği barədə vergi orqanına arayış təqdim edilməlidir. Cari vergi ödəmələri hesabat ili başa çatdıqdan sonra yenidən haqq-hesab edilir və bu zaman hesablanmış cari vergi məbləği hesabat üzrə vergi məbləğindən çox olduğu halda artıq hesablanmış cari vergi və ona uyğun faiz məbləğləri azaldılır.

Əvvəlki ildə gəlir vergisi ödəyicisi olmadığınız halda siz 151.5-ci maddədə nəzərdə tutulan qaydada, mənfəətdən və ya gəlirdən verginin məbləğinin 75 faizindən az olmamaqla cari vergini hesablamalısınız və bu barədə rüb başa çatdıqdan sonrakı ayın 15-dən gec olmayaraq arayış təqdim etməlisiniz.

Cari vergi arayışının forması və doldurulması qaydası, eyni zamanda gəlir vergisi bəyannaməsinin forması və doldurulması qaydası ilə ilə səhifəmizin “Bəyannamə” bölməsinin “Bəyannamə, hesabat və ərizə formaları” hissəsində tanış ola bilərsiniz.

Əsas: Vergi Məcəlləsinin 102.1.30-cü, 151-ci218.5.10-cu maddələri.

Ümumi qiymətlərin sayı: 2    Orta qiymət: 5

Yekun qiymət  



Terminlər lüğəti | Facebook | Twitter | Youtube | Instagram


Elvin Qocayev, elvin.qoca111@gmail.com (10.05.2019) (Oxunub: 131 dəfə, Orta qiymət: 4.5, ID: 18561)
Salam. Mən səyyar pivə satışı etmək istəyirəm, bunun üçün hansı sənədlərə ehtiyac var, yaxud haradansa icazə almaq haqqında qanunvericilikdə tələb var? Vergilər Nazirliyində qeydiyyatdan keçməliyəmmi?

Bildiririk ki, sorğunuzda qeyd olunan fəaliyyət sahibkarlıq fəaliyyəti hesab edilir və bu fəaliyyətlə məşğul olan fiziki şəxs kimi sahibkarlıq fəaliyyətinə başlanan günədək yaşayış yeri üzrə vergi orqanına müraciət edərək vergi uçotuna alınmalıdır.

Vergi uçotuna alınma kağız daşıyıcısında “Fiziki şəxsin  uçotu haqqında ərizə” və ona əlavə olunmuş şəxsiyyəti təsdiq edən sənədin (Azərbaycan Respublikasının vətəndaşları üçün şəxsiyyət vəsiqəsi) surətinə əsasən həyata keçirilir. Kağız daşıyıcısında müraciət şəxsən və ya səlahiyyətli nümayəndə (notarial qaydada təsdiq edilmiş etibarnamə ilə) vasitəsi ilə vergi orqanına gəlməklə və ya poçt vasitəsi ilə edilir.

Vergi orqanına gəlmədən elektron qaydada da vergi uçotuna alına bilərsiniz. Elektron qeydiyyat gücləndirilmiş elektron imza (o cümlədən “Asan imza”) əsasında İnternet Vergi İdarəsi portalı (www.e-taxes.gov.az) vasitəsi ilə aparılır.

Onu da bildiririk ki, malların səyyar (mövsümi) satışına olan müəyyən tələblərlə Nazirlər Kabinetinin “Azərbaycan Respublikasında ticarət, ictimai iaşə, məişət və digər növ xidmət Qaydaları”nda tanış ola bilərsiniz.

Bunula yanaşı nəzəriniz çatdırırıq ki, “Lisenziyalar və icazələr haqqında” Azərbaycan Respublikasının Qanununa əsasən səyyar (mövsümi) ticarət yerlərinin müəyyən edilməsinə görə icazə tələb olunur.

Səyyar ticarətinin həyata keçirilməsinin reallaşdırılması barədə əlavə məlumatı aidiyyəti üzrə İqtisadiyyat nazirliyinə müraciət etməklə əldə etməyiniz daha məqsədəuyğundur.

Əsas: Vergi Məcəlləsinin 16.1.8-ci, 33.2-ci, 33.4-cü, 34.1-ci, 34.2-ci34.3-cü maddələri,  “Lisenziyalar və icazələr haqqında” Azərbaycan Respublikasının 2016-cı il 15 mart tarixli 176-VQ nömrəli Qanunu, Azərbaycan Respublikası Nazirlər Kabinetinin 2014-cü il 3 aprel tarixli 94 nömrəli Qərarı ilə təsdiq edilmiş “Azərbaycan Respublikasında ticarət, ictimai iaşə, məişət və digər növ xidmət Qaydaları”nın 20-ci maddəsi.

Ümumi qiymətlərin sayı: 2    Orta qiymət: 4.5

Yekun qiymət  



Terminlər lüğəti | Facebook | Twitter | Youtube | Instagram


Gulya Allahverdi, guldaneallahverdiyeva@gmail.com (10.05.2019) (Oxunub: 135 dəfə, Orta qiymət: 4.75, ID: 18560)
Salam. Hüquqi şəxsə öz avtonəqliyyat vasitəsilə daşınma xidməti göstərən fiziki şəxs hansı verginin ödəyicisi olur? Gəlir vergisinin ya Sadələşdirilmiş verginin?

Vergi Məcəlləsinin 156-cı maddəsinin müddəaları nəzərə alınmaqla, ölkə daxilində yüklərin daşınmasını mülkiyyətində və ya istifadəsində olan avtonəqliyyat vasitələri ilə həyata keçirən şəxslər sadələşdirilmiş verginin ödəyiciləridirlər və xidmətin həyata keçirildiyi yerdən asılı olaraq hər bir avtomobil nəqliyyatı vasitəsi üçün hesablanmış sadələşdirilmiş vergini ödəməklə Azərbaycan Respublikasının Nəqliyyat, Rabitə və Yüksək Texnologiyalar Nazirliyindən təqvim ayının sonunadək öz istəklərinə uyğun olaraq növbəti ay, rüb, yarım il və ya il üçün ciddi hesabat blankı olan “Fərqlənmə nişanı” almalıdırlar. Avtomobil nəqliyyatı vasitələri ilə sərnişin və yük daşımalarını həyata keçirən hüquqi şəxslər hesablanmış vergini tam məbləğdə dövlət büdcəsinə ödədikdən sonra onlara "Fərqlənmə nişanı" verilir və bu fəaliyyətə görə vergi orqanlarına bəyannamə verilməsi tələb olunmur. Həmin şəxslər üçün sadələşdirilmiş vergi şəxsin mülkiyyətində və ya istifadəsində olan avtonəqliyyat vasitələrinin yükgötürmə qabiliyyəti üçün hər tona görə 1,0 manat məbləğinə Vergi Məcəlləsi ilə müəyyən edilmiş əmsallar tətbiq edilməklə müəyyən edilir.

Əsas: Vergi Məcəlləsinin 218.4.1-ci, 220.5-ci, 221.4-cü maddələri.

Ümumi qiymətlərin sayı: 4    Orta qiymət: 4.75

Yekun qiymət  



Terminlər lüğəti | Facebook | Twitter | Youtube | Instagram


Həsən Həsənov, ea2013@yahoo.com, Bakı (10.05.2019) (Oxunub: 102 dəfə, Orta qiymət: 5, ID: 18559)
Hörmətli vergi əməkdaşları 01.01.2019-cu ildə VM-nin 218.5.10 maddəsinə edilmiş dəyişiliklərə görə vergi orqanlarında uçotda olan fiziki və hüquqi şəxslərə iş və xidmət göstərən vergi ödəyiciləri sadələşdirilmiş verginin ödəyicisi olmaq hüququ olmadıgı və gəlir vergisinin ödəyicisi olmaq öhdəliyi yarandıgı göstərilmişdir. Məlumat üçün bildirək ki,bizim gəlirimiz ancaq malların satışından aşagıdakı qaydada formalaşır 1.Gündəlik olaraq vətəndaşlara kassa aparatından və ya nağdsız qaydada post terminaldan istifadə etməklə mallar satırıq. 2. Vergi ödəyicisi olan fiziki və ya hüquqi şəxslərə e-qaimə əsasında mallar satırıq. Dövriyyəmiz 200 000 manatı keçmir və işci sayı da 3 nəfər təşkil edir. Heç bir vergi ödəyicisi olan hüquqi və fiziki şəxsə xidmət göstərmirik. Bununla əlaqədar olaraq aşagıdakı iki sualı cavablandırmağınızı Sizdən xahiş edirik. Sual1. Biz 2019-cu ilin I rübü üçün sadələşdirilmiş vergi bəyannaməsi təqdim etməliyikmi. Sual 2. 2019-cu il üçün Gəlir vergisi hesabatı təqdim etmək öhdəliyimiz yaranırmı?

Bildiririk ki, malların alıcıya onun sahibkarlıq fəaliyyəti məqsədləri üçün satışı topdansatış fəaliyyəti hesab olunur. Topdansatış ticarət fəaliyyəti qaydasında malların təqdim edilməsini həyata keçirən şəxslərin sadələşdirilmiş vergi ödəyicisi olmaq hüququ yoxdur. Buna əsasən topdansatış qaydasında ticarət fəaliyyəti ilə məşğul olan müəssisə 1 yanvar 2019-cu il tarixdən mənfəət vergisinin ödəyicisi kimi fəaliyyət göstərir və əldə olunan gəlirlərdən xərclər çıxılmaqla 20 faiz məbləğində gəlir vergisi ödəyir.

Qeyd etdiyiniz məlumatlara əsasən, mikro sahibkarlıq meyarına uyğun olduğunuz üçün əldə etdiyiniz gəlirlərin 75 faizi gəlir vergisindən azad edilmişdir.

Vergi mükəlləfiyyətinizin fəaliyyətinizə uyğun olmadığı halda qeydiyyatda olduğunuz vergi orqanına vergi mükəlləfiyyətinin dəyişdirilməsi barədə sərbəst formada, kağız və ya elektron qaydada ərizə ilə müraciət etməlisiniz. 1 yanvar 2019-cu il tarixdən gəlir vergisi mükəlləfiyyəti aktivləşdiyi halda, sadələşdirilmiş vergi bəyannaməsi təqdim etməyiniz tələb olunmur.

Əsas: Vergi Məcəlləsinin 13.2.62-ci, 13.2.63-cü, 16.1.8-ci, 218.5.9-cu218.5.10-cu maddələri.

Ümumi qiymətlərin sayı: 3    Orta qiymət: 5

Yekun qiymət  



Terminlər lüğəti | Facebook | Twitter | Youtube | Instagram


Anar Musabəyov Yusif, anarmusabeyov@mail.ru (10.05.2019) (Oxunub: 105 dəfə, Orta qiymət: 5, ID: 18558)
AR VM-nin 165.1.3.-cü maddəsinə əsasən ƏDV-yə 0 dərəcə ilə cəlb olunan malların ixracı əməliyyatı mənfəət vergisinə cəlb olunurmu?

Vergi Məcəlləsinin 104.1-ci maddəsinə əsasən rezident müəssisə üçün vergitutma obyekti onun mənfəətidir. Vergi ödəyicisinin bütün gəlirləri (vergidən azad edilən gəlirdən başqa) ilə bu Məcəllənin X fəslində göstərilən, gəlirdən çıxılan xərc arasındakı fərq mənfəətdir.

Ümumi qiymətlərin sayı: 1    Orta qiymət: 5

Yekun qiymət  



Terminlər lüğəti | Facebook | Twitter | Youtube | Instagram


Həmid Hüseynov Samid, hamid.huseyn@gmail.com, Bakı (10.05.2019) (Oxunub: 115 dəfə, Orta qiymət: 4, ID: 18557)
Mən xidməti müqavilə ilə işləyərək xidmət haqqımdan gəlir vergisi ödəyirəm. Vergi orqanına İl ərzində hansı hesabatları verməliyəm? Hörmətlə

Bildiririk ki, gəlir vergisi üzrə hesabat dövrü il olduğu üçün bəyannamələr illik formada hesabat ilindən sonrakı ilin mart ayının 31-dən gec olmayaraq təqdim edilir.

Cari vergi ödəmələri isə rüb başa çatdıqdan sonra 15 gün ərzində ödənilməli, rüb ərzində mənfəətdən və ya gəlirdən hesablanmış cari vergi məbləği barədə vergi orqanına arayış təqdim edilməlidir. Cari vergi ödəmələri hesabat ili başa çatdıqdan sonra yenidən haqq-hesab edilir və bu zaman hesablanmış cari vergi məbləği hesabat üzrə vergi məbləğindən çox olduğu halda artıq hesablanmış cari vergi və ona uyğun faiz məbləğləri azaldılır.

Əvvəlki ildə gəlir vergisi ödəyicisi olmadığınız halda siz 151.5-ci maddədə nəzərdə tutulan qaydada, mənfəətdən və ya gəlirdən verginin məbləğinin 75 faizindən az olmamaqla cari vergini hesablamalısınız və bu barədə rüb başa çatdıqdan sonrakı ayın 15-dən gec olmayaraq arayış təqdim etməlisiniz.

Əlavə olaraq bildiririk ki, 2018-ci ilin IV rübündən etibarən məcburi dövlət sosial və işsizlik sıgortası üzrə hesabatlar Vergilər Nazirliyinə təqdim olunmalıdır. Qeyd olunan hesabatlar hesabat rübü başa çatdıqdan sonra növbəti ayın 20-dən gec olmayaraq Vergilər Nazirliyinin müəyyən etdiyi forma üzrə hesabatları vergi orqanına təqdim etməlidir.

Ümumi qiymətlərin sayı: 5    Orta qiymət: 4

Yekun qiymət  



Terminlər lüğəti | Facebook | Twitter | Youtube | Instagram




Səhifəmizdə hər hansı səhv və ya qeyri-dəqiq məlumat gördükdə, həmin mətni seçib
Ctrl+Enter düymələrini sıxaraq bu barədə bizə məlumat verməyinizi xahiş edirik.


Mükafatlar və nailiyyətlər

Azərbaycan Respublikası Vergilər Nazirliyi
2002 - 2019

* Diqqət! Elektron müraciətlərinizi (təklif, ərizə, şikayət) səhifəmizin "Onlayn müraciətlər" bölməsi vasitəsilə təqdim etməyiniz xahiş olunur.