Nəzarət-kassa aparatlarının Operatorunu nəzarət mexanizmi qurğusu ilə təmin edən hüquqi şəxsin seçilməsi məqsədi ilə 2019-cu ilin 20 sentyabr tarixində keçirilmiş müsabiqənin nəticəsi barədə

BİLDİRİŞ

Daxili qaydalara uyğun olaraq müsabiqə gününə 10 gün qalmış yəni, 9 sentyabr 2019-cu il tarixində Vergilər Nazirliyinin rəsmi internet saytında Nəzarət-kassa aparatlarının Operatorunu nəzarət mexanizmi qurğusu ilə təmin edən hüquqi şəxsin seçilməsi məqsədi ilə müsabiqənin keçirilməsi barədə elan yerləşdirilmişdir. 20 sentyabr 2019-cu il tarixində Müsabiqə Komissiyası üzvlərinin iştirakı ilə keçirilmiş görüşdə müsabiqə iştirakçılarının Vergilər Nazirliyinin İnternet Vergi İdarəsi portalında olan elektron kabinetləri vasitəsi ilə Vergilər Nazirliyinə təqdim etdikləri ərizələrə və nəzarət mexanizmi qurğusuna dair təqdim olunmuş məlumatlara baxılaraq təhlil aparılmışdır. Müvafiq meyarlar üzrə “Cybernet” Məhdud Məsuliyyətli Cəmiyyəti tələblərə cavab verdiyindən müsabiqənin qalibi seçilmiş və müvafiq protokolla rəsmiləşdirilmişdir.