Əmək müqavilələrinin sayı artıb

4 ildən çox müddətdə həyata keçirilən təşviq əsaslı vergi siyasəti əmək bazarında əhəmiyyətli dəyişikliklərə səbəb olub. DVX tərəfindən iş yerlərinin rəsmiləşdirilməsi, əmək haqqı fondunun “ağardılması” və şəffaflılığın təmin edilməsi istiqamətində həyata keçirilən tədbirlərin nəticəsi olaraq, bağlanmış əmək müqavilələrinin sayı 2019-cu ilin əvvəli ilə müqayisədə 362,9 min vahid artıb və 2023-cü ilin iyul ayının 1-nə 1 764,8 min olub. Qeyri-neft sektorunun özəl bölməsində isə həmin göstərici 329,7 min vahid artaraq 870 minə yaxın olub.