Kommersiya hüquqi şəxslərin qeydiyyatı sahəsində yeniliklərlə bağlı görüş keçirilib
İqtisadiyyat Nazirliyi yanında Dövlət Vergi Xidməti (DVX) tərəfindən kommersiya hüquqi şəxslərin dövlət qeydiyyatı sahəsində yeniliklərə həsr olunmuş onlayn görüş keçirilib. Görüşdə sahibkarlar, hüquq və konsaltinq şirkətlərinin nümayəndələri, biznes subyektlərinin təmsilçiləri və yerli müəssisələrin rəhbərləri iştirak ediblər.
DVX-nin Vergi ödəyicilərinin qeydiyyatı və uçota nəzarət baş idarəsinin şöbə rəisi Leyla Hüseynzadə "Kommersiya hüquqi şəxslərin dövlət qeydiyyatı: bu sahədə aparılan islahatlar" mövzusunda təqdimatla çıxış edib. O, Biznes mühiti və beynəlxalq reytinqlər üzrə Komissiyanın tərkibində fəaliyyət göstərən, DVX-nin rəhbərlik etdiyi "Biznesə daxilolma" işçi qrupu tərəfindən son illər həyata keçirilən təkmilləşdirmə tədbirləri barədə məlumat verib.
Görüş iştirakçılarına işçi qrupunun təşəbbüsü ilə "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununa edilmiş dəyişikliklər barədə məlumat təqdim olunub. Bildirilib ki, aparılan islahatlar nəticəsində yerli və xarici investisiyalı məhdud məsuliyyətli cəmiyyətlərin (MMC) elektron dövlət qeydiyyatı prosedurları eyniləşdirilib. Bu yenilik xarici subyektlər üçün elektron qeydiyyat xidmətini tam əlçatan etməklə biznesə başlama prosesini sadələşdirib. Eyni zamanda, kommersiya hüquqi şəxslərin onlayn qeydiyyatı zamanı yeni texniki imkanlar yaradılıb.
Qeyd olunub ki, biznes mühitinin daha da təkmilləşdirilməsi istiqamətində islahatlar davam etdirilir. Bu çərçivədə "Dünya Bankı Qrupunun “Business Ready” hesabatının “Biznesə daxilolma” indikatoru ilə bağlı müvafiq sahədə təkmilləşdirmələrin və kommunikasiyanın həyata keçirilməsinə dair 2026-cı il üzrə Yol Xəritəsi" çərçivəsində nəzərdə tutulan tədbirlər barədə də iştirakçılara məlumat verilib.
Görüş qarşılıqlı müzakirələr və iştirakçıların suallarının cavablandırılması ilə başa çatıb.
Kommersiya hüquqi şəxslərin qeydiyyatı sahəsində yeniliklərlə bağlı görüş keçirilib
1 iyul 2026, 09:54
İqtisadiyyat Nazirliyi yanında Dövlət Vergi Xidməti (DVX) tərəfindən kommersiya hüquqi şəxslərin dövlət qeydiyyatı sahəsində yeniliklərə həsr olunmuş onlayn görüş keçirilib. Görüşdə sahibkarlar, hüquq və konsaltinq şirkətlərinin nümayəndələri, biznes subyektlərinin təmsilçiləri və yerli müəssisələrin rəhbərləri iştirak ediblər.
DVX-nin Vergi ödəyicilərinin qeydiyyatı və uçota nəzarət baş idarəsinin şöbə rəisi Leyla Hüseynzadə "Kommersiya hüquqi şəxslərin dövlət qeydiyyatı: bu sahədə aparılan islahatlar" mövzusunda təqdimatla çıxış edib. O, Biznes mühiti və beynəlxalq reytinqlər üzrə Komissiyanın tərkibində fəaliyyət göstərən, DVX-nin rəhbərlik etdiyi "Biznesə daxilolma" işçi qrupu tərəfindən son illər həyata keçirilən təkmilləşdirmə tədbirləri barədə məlumat verib.
Görüş iştirakçılarına işçi qrupunun təşəbbüsü ilə "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununa edilmiş dəyişikliklər barədə məlumat təqdim olunub. Bildirilib ki, aparılan islahatlar nəticəsində yerli və xarici investisiyalı məhdud məsuliyyətli cəmiyyətlərin (MMC) elektron dövlət qeydiyyatı prosedurları eyniləşdirilib. Bu yenilik xarici subyektlər üçün elektron qeydiyyat xidmətini tam əlçatan etməklə biznesə başlama prosesini sadələşdirib. Eyni zamanda, kommersiya hüquqi şəxslərin onlayn qeydiyyatı zamanı yeni texniki imkanlar yaradılıb.
Qeyd olunub ki, biznes mühitinin daha da təkmilləşdirilməsi istiqamətində islahatlar davam etdirilir. Bu çərçivədə "Dünya Bankı Qrupunun “Business Ready” hesabatının “Biznesə daxilolma” indikatoru ilə bağlı müvafiq sahədə təkmilləşdirmələrin və kommunikasiyanın həyata keçirilməsinə dair 2026-cı il üzrə Yol Xəritəsi" çərçivəsində nəzərdə tutulan tədbirlər barədə də iştirakçılara məlumat verilib.
Görüş qarşılıqlı müzakirələr və iştirakçıların suallarının cavablandırılması ilə başa çatıb.
