DVX əməkdaşının həmmüəllifi olduğu monoqrafiya nəşr olunub

Dövlət Vergi Xidmətinin Elm, innovasiya və əməkdaşlıq şöbəsinin rəisi Nazim Əliyevin həmmüəllifi olduğu “Texnoloji innovasiyaların vergi stimullaşdırılması: nəzəriyyə və praktika” adlı monoqrafiya Rusiyanın Moskva şəhərində nəşr olunub.

Nazim Əliyev monoqrafiyanın “Vergi cinayətkarlığına qarşı mübarizədə innovativ texnologiyaların tətbiqi: Azərbaycan təcrübəsi” və “Texnoloji innovasiyaların vergi stimullaşdırılması sahəsində Azərbaycan təcrübəsi” bölmələrinin müəllifidir.

Tanınmış alim və mütəxəssislərin iştirakı ilə hazırlanan nəşrdə texnoloji yeniliklərin iqtisadiyyatın rəqabətqabiliyyətliliyinin artırılmasında və dövlətin texnoloji suverenliyinin formalaşdırılmasında rolu araşdırılır. Burada vergi güzəştlərinin yeni texnologiyaların tətbiqinə təsiri, onların kommersiyalaşdırılması, həmçinin dövlət dəstəyi mexanizmləri təhlil olunur.

Nəşrdə, eyni zamanda, vergi stimullarının regional və sahəvi xüsusiyyətləri, vergi xərclərinin səmərəliliyinin qiymətləndirilməsi və innovasiya fəaliyyətinə dövlət dəstəyinin effektivliyi ilə bağlı məsələlərə diqqət yetirilir.

Monoqrafiya iqtisadiyyat, dövlət auditi, maliyyə və kredit ixtisasları üzrə təhsil alan magistrantlar üçün nəzərdə tutulub.

DVX əməkdaşının həmmüəllifi olduğu monoqrafiya nəşr olunub