Vergilər nazirinin 1-ci müavini Neftçalada vətəndaşları qəbul edib

İyulun 24-də Vergilər nazirinin 1-ci müavini Sahir Məmmədxanov Neftçala şəhərindəki Vergi ödəyicilərinə xidmət mərkəzində vətəndaşları qəbul edib.

Qəbulda Neftçala, Hacıqabul, Sabirabad, Saatlı, Salyan rayonlarının sakinləri iştirak ediblər. Onların müraciətlərində vergi qanunvericiliyi və inzibatçılığının tətbiqi, vergilərin hesablanması və ödənilməsi, vergi nəzarəti tədbirlərinin nəticələri, uçot, vergi orqanlarında işlə təminat və digər məsələlər əhatə olunub.

Vətəndaşların müraciətləri dinlənilib, bəziləri yerində həll olunub, digər məsələlər barədə nazirliyin struktur bölmələrinə müvafiq tapşırıqlar verilib.